انا عندي مشكلتين مع ولدي الله يحفظه .. عمره 21 يوم .. وما يحب القماط ابدا .. دايما يتعصر يبي يفكه .. يعني حتى وهو نايم يحاول يفك القماط ولو ما قدر يقعد يصيح صياح هستيري .. ولو حاولت اهديه وارجع انومه بالقماط بينام وبعدها بفترة بيحاول يفكه مرة ثانية ويصيح … والمشكلة اني حاولت انومه بدون القماط بس ما يطول بنومه يعني نص ساعة او اقل ويقوم من نومه ولو سمع اقل صوت وكان بدون قماط على طول يقوم … اما بالقماط ينام تقريبا ساعتين ..
والمشكلة الثانية .. انه لاحظت عليه بهذي الايام كله يبي شل على اليد .. يعني لو شلته على يدي يظل يبكي لحد ما اشله .. وفوق هذا ما ينام الا بحضني .. يعني ارضعه وينام بس لما احطه بسريره يرجع يصحى ويبكي .. ويكرر هالعملية 4 او 5 مرات لحد ما ينام .. شو اسوي الله يخليكم ؟؟
وهل عندكم أفكار عشان اخليه يطول بالنوم وما يصحى بسرعة … هو كان في البداية يعني اول اسبوع ونص من ولادته يطول شوي بالنوم يعني ممكن ينام 3 الى 4 ساعات وبعدين يصحى .. بس ما ادري شو صار له وصار ينام ساعة ونص الى ساعتين او حتى اقل .. افيدوني جزاكم الله الف خير
في مان الله
انا ودي والله اجرب ارقده على بطنه .. بس والله اخاف .. اخاف ما يقدر يرفع راسه او صعب عليه التنفس .. اقعد اوسوس وما اقدر انام .. شو رايج اختي هو عمره 21 يوم فهل عادي لو رقدته على بطنه؟
س كل شوى شوفيه …لانه يمكن يضايق من الرقاد على الظهره ..
ويمكن انت اتكثرين فى لبسه وهو مقمط فيحس بالحرارة …او تظغطين عليه بالقماااط…
الغالية قبل القماط خلى يتجشأ عدل …
والله يعينج ترى تربية الاطفال صعبة ..
والله يخليه لج
وفعلا مثل ما قالوا الخوات لازم يتجشأ قبل النوم .. وحتى أحيانا في أثناء النوم , اذا شفتيه يتململ .. شليه وجديه ورجعيه ينام … والله يوفقج .. والسموحة ..
الغالية الي توصفيه بولدج هو حال معظم اليهال .. الغازات .. جربي وياه دوا انفاكول زين للغازات قبل الرضعة بربع ساعه تقريبا..خمس قطرات.. لا تخليه يصيح وايد لأنه الصياح يدخل هوا فالبطن وتزيد عليه الغازات ومثل ما قالوا الخوات جشأيه عدل بتربيت خفيف عظهره
وعن النومه عالبطن مب زين ينام لفترة طويله خليه شوي عبطنه واذا مل عدلي نومته
الله ييسر لج
شوفي انا احااول قد ما اقدر اني ما اقمطه عشاان ما يتعود بعدين انا اللي بتعب يعني مجرب ما بتطلع يده بيصييح
فاحسن لج عوديه بدوون قمااط
وع رقدت البطن سويها بالنهااار وحطي قطعه خفيفه تحت بطنه ودقيه ع ظهره
وعلى الشل ولدي مغربلني كله يبي فووق