ولدي يحرجني مع الناس

المهم انا عندي ولد عمره سنتين وثلاث شهور ,, الله يخليه لي ان شاء الله ,,

هالولد يسبب لي احراج وخصوصاً فالمناسبات العائليه والاعراس والاسواق >>
مثلاً يوم يشوف البنات الصغار اللي فنفس عمره او اصغر واحياناً اكبر عنه بشويات ,, يمطط خدودهم ولا ييلس يبوسهم ويسألهم "تحبوني" ؟ ويمسكهم من ايدهم ويمشيهم معاه ..
طبعاً انا ويهي يحمر و يخضر يوم اشوف تعابير اهاليهم ><,, .. اعصب عليه او اهزبه عشان ما يكرر هالشي بس ماشي فايده

يعني في بعض الناس يتقبلون سلوكــ ولدي ويضحكون ويقولون ما شاء الله عليه
واللي يبوسه ويدعي ان الله يخليه ..
والحريم الكبار يهزبوني ليش اني اهزبه ويقولون ليت كل اليهال شراته ..

لكن البعض منهم واللي خلاني اتضايق وايد واكتب هالموضوع
يوم يشوفون سلوكــ ولدي يتضايق ويسارع في ان يشل بنته عن ولدي ,, او يطالع ولدي بنظرة استحقار
مما يعكر لي جو الطلعه ويضايقني وايد,,

ما ادري هل ان هالشي زيــن او لا .. افيدوني يزاكم الله خير

سلامة البدويِ