اشحالكم خواتي الغاليات ..
ولدي بكري الحمد الله واليوم داش السادس ..
ابي اعرف بشو ابدا ااكله .. والماي خلاص ابدا اشربه يوميا …؟!
ساعدوني بنات ..
عزيزتي ابدي بالتفاحه او الكمثرى قشريها واسليقيها و اهرسيها وعطيه بالمعلقه كميه صغيره وزيديها تدريجيا. والماي ابدي عطيه بالمعلقة شوي شوي لا تكثرين وعطيه يوميا عشان بعدين ما يستنكر الطعم وما يطيع يشرب.
شوفي برنامج حكمة نساء لهذا الاسبوع تكلموا عن الموضوع وشوفي هذا الرابط https://forum.uaewomen.net/showthread.php?t=688800
https://forum.uaewomen.net/showthread.php?t=487971
اتمنى اني فدج عزيزتي.
ابدي مثلا بطاط مفور عدل واهرسيه وحطي فيه شويه ماي عشان يكون لين …
والياهل فالبدايه ما بيتقبل الاكل وممكن كل ما تاكلينه يطلعه ويتفله ..
لا تغصبينه … بين ساعه وثانيه جربي معاه خاشوقه … لمده 3 ايام نفس الوجبه عطيه ..
عقب ابدي بنوع ثاني .. مثلا كوسى مفور … ونفس الشي لمده 3 ايام ..
وعقب جربي له جزر مفور لمده 3 ايام …
اذا ما تحسس بعد ال3 ايام من الاكله تقدرين تدمجين هالانواع مع بعض …
وجربيله بعد عيش (رز) مفور عدل لين ما مستوي لين عدل واهرسيه ..
الهرس يفضل يكون فالخلاط عشان ما يكون فيه كتل ويغص الياهل …
والماي عادي عطيه على طول 
..
يفضل انج تبدين تاكلين الياهل بالخضره وتاجلين الفواكه … لان الياهل ممكن يحب الفواكه لان فيها شكر وطعمها حلو … وما بيرضى ياكل الخضره …. ابدي معاه الخضره فتره عقب ممكن تعطينه تفاح مهروس او كمثرى مهروسه او موزه مهروسه
ان شاء الله اكون قدرت افيدج …
وان شا الله بتابع الحلقه الحينه
ما تقصرين ..
اتمنى كل وحده تحدر ما تبخل عليه بنصيحه ..
مشكوره الغاليه النصايح الحلوه ..
والله استفد وايد
بس عندي استفسار اذا ما عليج كلافه
بس اعطيه وجبه غدى فقط والا عادي اي وقت ااكله ..؟!
المشاركة الأصلية كتبت بواسطة * متوآضعه * 
مشكوره الغاليه النصايح الحلوه ..
والله استفد وايد
بس عندي استفسار اذا ما عليج كلافه
بس اعطيه وجبه غدى فقط والا عادي اي وقت ااكله ..؟!
عادي اي وقت بس يفضل ما تعطينه متاخر وايد عشان ما يثقل عليه الاكل لانه مب متعود ومعدته بعدها عالهضم …
ابدي فتره الصبح والظهر لين العصر عقب حاولي ما تعطينه فالبدايه …
لين ان شاء الله تحسينه خلاص عيبه الاكل واستساغ الاكل .. عطيه بالليل بس مب متاخر وايد
وعندج الروب
والشوفان ويا الحليب والعسل