خواتي ولدي وايد يتعصر و ما يرووم يرقد >_<
اظن في غازااات >_<
عطيته نعناع و شوي سنوت بس بعده يتعصر…ما يرووم يرقد فديته
و من شوي عطيته انفكوول
بنات اللي حد من عيالها ياه كذيه ابا اعرف شو سوت و راح عنه الغازات
بليييييييييز فيدوني بشي مجرب يزاكم الله الخير
و على فكـره ولـديه يومين و بيكمـل شهـر
فتره وبتعدي ان شاء الله ,, الله يعينج 
انتي ترضعين طبيعي ولا صناعي؟؟
اذا صناعي خلي الدكتور يبدل الحليب بتركيبة المغص
و اذا طبيعي شربي نعناع و ينسون و ابتعدي عن الملفوف و البصل و البقوليات و اي شي تحسبن يسبب لج غازات.
لولدج عطيه ينسون مع سكر نبات شوي بس يعني 20 مل مثلا.
و ييبي زيت زيتون دافي و سوي مساج لبطنه بحركه دائريه و عقب لبسيه عطول عشان يدفى بطنه.
اذا ما نفع امسكي ريوله الثنتين و اثنيها صوب بطنه و عقب افرديها و تمي سوي جيه و بتشوفين الولد يتعصر و بيطلع الغازات مع الممارسه.
لا تحاتينه ما عليه شر كل اليهال يصير لهم غازات
أختي يوم اعيالها فيهم غازات تاخذ ملعقة اصغيرة يانسون مع ملعقه صغيرة كراويه مع ملعقة صغيرة سنوت
وتفور كوب ماي ع نار وضيف له هالخلطة وتحطها فالمرضعه من يدفي شوي اتشرب الياهل
اتقولي ع طووووووول يرتاح وبس إن شاء الله اكون افدتج ترا ثلاث مرات ف اليوم يشربون الياهل
معاااااااااااااناة
الغالية انا بنتي صار بطنها شئ عظيم بسبب الغاااازات وكانت متعبتني وااايد
وما فادها الا شاي الجذوور بتحصلينه ف اجمل للعطووور
ومر ادهنه ع بطنها
ومااا يشووووف شر