ويــــــن المذاهــــــــــــــــــب والأدب !

خواتـــــــــــــــــــــي الغاليــــــــــــــــــــــــــــيات ، حبيت أشاركم اليوم في موضوع من يومين مظايقني ورافع ظغطي

أبا أتكلم عن الأدب والمذهب في العزا،،، بارك الله فيكم خواتي تمينا انشوف في هالزمان تقاليع غريبه ومب في وقتها أبداً،، أحنا اللي انعرفه من استوينا واستوت الدنيا أن الناس في العزا يسيرون يتخلفون حق أهل الميت، وياخذون بخاطرهم ويواسونهم ، صح يا جماعة الخير والا جاني غلطانه خبروني؟؟
والناس في العزا يكونون حزنانين! يعني اللي بيسير يراعي أهل الميت في اللبس والشكل ، بس اللي أشوفه أحين والله أنه يقهر ويحز فالخاطر، أيون يتخلفون وهم جنهم سايرين عرس! الميك أب (أونه صباحي أو طبيعي، مسكينه ما تقدر تتنازل عنه النص ساعه اللي بتعزي فيها)!! ولا العباه المفصصه!! ( أحينه عباتج عباة أحتفالات ما عندج عباة ساده ما تجرحين فيها أهله مساكين) ولا المترصصه بالبنطلون( الله ياسع عليج حبيبتي بالجلابيات)!!

ولا اللي تي ويا ربيعتها وقابظه الموبايل وتتظحك وتتصنكع من خاطرها!! والله أنا نشوف شي يعل ويقهر،، يـــــــــا جماعة الخير الحمدلله لسنا كأهل البدع فنحن ولله الحمد لا نلطم ولا نشق الجيب ونأكل ونشرب ونكمل ما بقي لنا من عمر بدون ( يوم يا ويوم سوا وليش مات) ، والحمدلله فأيضاً نحن نتكلم عن أمور الحياه في العزا ونتبسم ونضحك الضحك الخفيف ، ولكن نراعي حرمة الميت وحزن اهله ، والله أن من العرب عينهم دوم مغرغره لكن متصبرين ومحتسبين، ماي أنا أعزيهم جنه العيد عندي ولا جنها عزيمه !! هم ترا بعد غامظنهم ميتهم لكن مب رايميله حيله، ولا بعد يرومولج أنتي! ما بيقولون لج ليش أختي متعدله ومتزينه! أنتي يايتنهم في بيتهم، شو بيسوون مساكين! بيروغونج! ، المفروض أنا سايره اأدي واجب وباخذ عليه أجر من رب العالمين ما فيها شي جان بصبر شويه عن العدال لجل خاطرهم،،

وها الموقف انا مرني في عزى ابوية الله يرحمة و يخلدة فالجنة ان شاء الله

وها السالفة من 6 سنين بس بتم فخاطرية ليوم الدين …