حبيباتي وخواتــي امسي عليكم بالخير …
صار لي فتره ألف وادور في هذا القســـم …
في مواضيع حلوه عن تجاربكم في الحياة وشو الطرق الي اتبعتوها في حل مشاكلكم سواء بالقرآن وبالاستغفار وبالصدقــه ..او حتــى حلول بسيطه غيرت مجرى حياتكم …
انا من اسبوع تقريبـــــــــا كملــت عامــي الاول في الدوام …شغـــلي …الي احبهـ ..ربــي رزقنـــي العام بمكان ارتحت فيــهـ …وبناس بعــــــــد يحبوني ويحبون لــي الخــــــير …ما شفت غير الخير منهم …حتى لو نصحوني بالقســوة …هم يحبون مصلحتـــي …انا مدرســة …احب الاطفال
..احـــب اطور من اسلوبي ..مب بس في التدريس حتى في التربيـــة …احلم دوم اشوفهم ملتفيـــن حولي يحضنونـــي …محتاجتنهم ..ومحتاجينـــــــــــي …
كنت مداومه اول يومــ وانا كلـــي نشاط …وجددت نيتي اني اطور من نفــــسي …وايد امور حبيت اغيرها فينـــي …بس شاء القدر انـــي اواجهه مشاكـــــــل في هذي الفتـــــــره …طول هل الشهـــر …انا ما اانام …واذا رقدت …اقوم نص الليل …وجسمي كله يعورنيــ ….واحلام مزعجـــــــه …صارت مشاكل وكان في احتمال كبير انتقل من مكانــي …تعرفون …صعبه …تعودت …كل شي في صفي يذكرني بأيام حلوه عشتها ….صفــي …الي جهزته وانا مستانسه اني مستعده السنه ادرس وانا عندي خبره …قرارات الوزارة …حطمتني …والمشاكل مب من المدرسه …من الوزارة نفسها …
ادخل صفي اقول بشل اغراضي اهيئ نفســـي …الله اعلم يمكن باجر اسمع قرار نقلــي …( عشان بس اسد شاغر ) …واحاول احرك شي مب قادره …ما ابا اشل ..ولا ابا ألم اغراضي …اروح وادخل واطلع …نفسيتي داون …يمكن تقولون كنت جسد بس …الروح الي كانت فيني قبل …ما ادري وين راحت …ضيق وضيق وضيق …كلهم قالو لي لا تفكرين ….وفعلا حاولت بس ما قدرت …ما ارقد …ما احس اني ارقد …وفوق كل هذا مرضت …في هل الفتره …ومرضي يباله مدة شهر لين يروح عنــي …
بس امـــس رديت البيت فتحت النت ..كان في موضوع اسمه تجمع الصحبة الصالحه وفي الموضوع شفت فيديوهات من يوتيوب وكان في فيديو عن برنامج كيف تتعامل مع الله …انا من اشد المعجبين بهل البرنامج ..وفي حلقة اسمها ….اظن مفتاح السحري لكل مشاكلك…
حسيت انه ربي رايد لي اشوف هل الحلقة لانــه الي مريت بهـ بالنسبه لغيري ممكن مب مشكله كبيره …بس بالنسبه لــي مشكلة ما كنت متوقعتنها …المهم شفت الحلقة ..وكانت عن كيف تتعامل مع الله اذا توكلت عليهـ …شفت الحلقة كلها …وطبقت كلام الداعية مشاري الخراز …صفيت قلبي من الهموم ووكلت امري لله وكلي ثقه انه اي شي مكتوب لي خير من رب العالمين وعملت بالاسباب …والي قدرت عليه …الدعاء وقت السجود ..وكنت ادعي بهل الدعاء …
اللهم يا مسهل الشديد ، ويا ملين الحديد ، ويا من هو في كل يوم في امر جديد ، اخرجني من حلق الضيق الى اوسع الطريق ، بك ادفع ما اطيق وما لا اطيق ، ولا حول ولا قوة إلا بالله العلي العظيم ، اللهم ابدل همي وحزني ، واقضي عني ديني وفرج همي ويسر امري .
وكنت اقرأ سورة يس وادعي بنفس الدعاء بعد ما اخلص …وعشان ارقد وانا مرتاحه …قبل لا ارقد افتح البقره واقرأ لي صفحتين او ثلاث بالكثير وسورة الواقعه ..
والله اني ما ببالغ بكلامــي …اليوم رحت الدوام لاول مره ما اشل الاغراض الي متعودة اخذها وياي كل يوم …ودخلت عادي وسولفة عادي ..جان تقول اداريه عندنا …فلانه …اتصلة وحده امس من الوزارة وقالو خلاص ..مابننقل حد من هنيه …ورتبو وضعي وبمسك صف …
بعد كل هل الضيق الي صار لي شهر وانا تعبانهـ …نهيت كل همومي بدمعه فرح وفي داخلي اقول …
وَمَنْ يَتَوَكَّلْ عَلَى اللَّهِ فَهُوَ حَسْبُهُ…
الحمدلله رب العالميــــن …
اقول لكل وحده تعاني من مشاكل لا تيأس ولا تقول نهايتي …وبموت …وما ابا اعيش …وكلو امركم لله ..وادعوه..ولا تغلطون غلطتــي …انا ترا غلطة يوم قعدت افكر شو مصيري ورى سور هل المدرسة الي ضمتني من اول يوم …شو ممكن يصير لي اذا نقلوني فجأه …وايد افكار سودا …بس عرفت انه كل شي بإرادة الله ..وانه كل شخص ربي يرزقه على نياته …بظل اتوكــل على الله في كل امر وفي كل صغيره وكبيره تمر عليــ ..وبعمل بنيه صافيه …وبأدي الي عليه بالي اقدر عليه …
والتوفيق من الله سبحانه …
والحمدلله رب العالمـين …
:.
الحمدلله الذي بنعمته تتم الصالحات ..
التوكل على الله مفتاح حل الازمات .
وتكملة الآية ..
" ومن يتوكل على الله فهو حسبه ان الله بالغ امره قد جعل الله لكل شيء قدرا "
يعني حنا علينا نتوكل على الله وندعوه وما نستعجل الإجابة ,.
لان سبحان الله كل شي مقدر لنا لوقته ..
وكل ما كان الإنسان حسن الظن بالله .. متوكل بكل جوارحه عليه ..
وكان لحوحا على الله بالدعاء ..
الله ما بيخيب أمله فيه بتاتا" ..
:.
الله يوفقج وييسر لج امورج ..
الله يوفقج دوم
ويوفقنا وياج دعواتج لي أتوظف جريب انتظار 4 سنوات
ربي يوفقج آلغآليه ويحفظج من كل شر ويسعدج فالدنيآ والـأخرهـ إن شآء آلله . .
ربي يزيد عليج الـأرزآق يآ رب . .
موضوع رااائع فعلاً ..
ومبروووووك أختي على التثبيت ، الحمدلله الي يسر أمرك
كنت أدعيلك ..^ــــ^
موضوعك وااايد مؤثر
وفعلا اللي يتوكل على الله … مايرده خاائب
جزاكي الله الفردوس يالغلا
.
.
.