**يا بنات يا حلويين ادخلوا وقولوا رأيكم في الأسعار بالمنتدى**

أولا وقبل ما أبدا موضوعي اريد ان الفت نظر الخوات بأني لا أبخس بضاعة أية تاجره أو أعيبها (لا) أبدا .. وأنا أشجع المواطنات التاجرات وأتمنى لهم التوفيق والتوسع في تجارتهم لكن للأسف الشديد الأسعار المبالغه لبعض البضايع جعلتني أتشجع وأطرح موضوع الأسعار وأنا متأكده أن في كثير من الخوات في المنتدى سوف يؤيدوني بذلك

أريد اتكلم بالنسبه للشنط التقليد والأسعار اللي فعلا تكون مبالغه فيها لدرجة أحيانا توصل سعرها نفس الشنطه الأصليه، والله يا خواتي شفت أكثر من أربع شنط معروضه في المنتدى فوق 700 درهم وانا اشتريت نفسهم تقريبا أسعارهم تتراوح ما بين 200 أو 250 درهم عالرغم من أنهم يدفعون أيجار للمحل وفاتورة كهربا لكن أسعارهم منخفضه .. وأنتي يا أختي اللي ما عليج لا أيجار محل ولا فاتورة كهرباء وتكون أسعارج عاليه جدا جدا ..
بتقولين لي أنج تدفعين قيمة الشحن حتى لو ما توصل أن شنطه تقليد يكون سعرها 900 أو حتى 400 لأنه جدا مبالغ .. أشوف الوحده تأخذ أصليه أحسن
أخوي راح مصنع في الصين وجاب لنا فوق 11 شنطة كلها ماركات وتقليد درجه أولى ويوم سألتها عن قيمة الشنط والله أني انصعقت قالي أغلى وحده 230 درهم .. يعني تخيلوا بنات اذا قيمة الشنطه 230 درهم أو حتى 250 درهم وتنباع فوق 500 درهم هذا مش شي مبالغ فيه ..

خواتي أتمنى أن البنات ما يزعلون مني لكن ما حبيت أشوف الغلط وأسكت عنه الوحده لو تدور عالربح لكن مش بأضعاف أضعافه لأنه بيكون شي مش منصف نهائيا ..

مع خالص امنياتي بالصلاح والهدايه لي ولكم جميعا يا أخواتي .. ودمتم سالمين

أخواتي العزيزات أنا هنا بصدد التنبالغ فيه لبعض بضائع الخوات التاجرات

زينه الاسعار بشكل عام بس في مجموعه صغيره مبالغه في أسعارها :1 (2):

تفاحه NM
اللي أشوفه أن نسبه صغيره اللي أسعارها تكون زينه والفئه الكبيره تكون أسعارها جدا مبالغ فيه

وهذا الشي اللي قاهرني با أختي

روزس_بوظبي
أنا معاج اذا كانت هذي أسعارهم فالواحد احسن له يشتري أصليه لأنه ما في فرق في الأسعار بين التقليد والأصلي غير مبلغ بسيط جدا

السلام عليكم

حبيت ادردش وياكن اذا ما عندكن مانع

ما اقدر اعلق على الموضوع وايد لأنه يتعلق بشيء واحد وهووه الشنط التقليد وانا مالي فيها

وانا في الاساس شنطة اكثر من 200 درهم ما اشتري لأن الشنطة شنطة والا بيلها تتوسخ والا حد يتسلفها ويخربها لج

وهاي وجهت نظري اما سالفه التقليد فانا ما احب التقليد خخخخخخخخخخ

بمعنى اشتري شنطة ماركتها مب معروفه وايد ولا اني اشل تقليد وكل اللي حوالي يحاول يقلل من شاني ويقلولي هاي اصلي والا تقليد

وحتى ولو اشتريت تقليد بقول انها تقليد ما عندي خلاف

لاني بصراحة ما احب النفخة الكذابه ولا احب احط فلوسي في اشياء هي بالنسبة لي كماليات الكماليات يعني وجودها وعدمه واحد

وارجع واقول مثل كل مرة

اختلاف الآراء لا يفسد للود قضية

والا ام الذيب غلطانه خواتي

وصدقوني خواتي فيه اماكن وايده البضاعه ما تكلفهم 20 درهم للقطعه وانتن تشترونها من عندهم ب 500 درهم وخاصة محلات النعول المشهورة وانتوا بكرامه

ضاحكين على الناس بمسمى الماركات وهي في الاساس تقليد الماركة وليس الماركة نفسها واللي يزيد عندهم عطوه لمحلات صغيرة وبابخس الاسعار

ودمتن في حفظ الله ورعايته

اتمنى دخولي ما كان عرض وكلامي ما كان بعد للعرض

أنا معاج يا أختي لأن فعلا أسعار الشنط التقليد اللي معروضه في المنتدى والله ما تفرق عن الشنط الأصليه اللي في السوق فالأفصل للخوات أنهم يشترون الأصلي عالأقل بيدوم معاهم أكثر من التقليد .. وعن نفسي أنا ما سرت أشتري الأصلي نهائيا الا اذا زوجي خذها لي لأني أحصل التقليد وبالأسعار اللي قلتيها 200 أو 300 عالأكثر .. والسموحه عالأطاله