*******
ياسارهـ كيف حالكـ ؟
يبه لا تسالني عن الحال !!
يبه أرجوكـ جاوبني بس على هالسؤال !!
أمي وين ؟؟؟؟؟؟؟
يبه تدري وش تقول أحلام ,,
تقول أمكـ ياحلوهـ سافرت للظلام ,,
تقول أمي غابت ,, تقول أمي راحت ,,
تقول أمي ماتت خلاااص ,,
تقول أمي غطوها بكفن ..
ثم صلوا عليها الظهر ..
ثم حطوها بقبر ..
ثم راحو وخلوها .. مشوا وتركوها ..
يبه تكفى ودني لها ,,
خلني أشوفها ,, وأبوس كفوفها ,,
وأعطيها عمري فدوهـ لها ,,
يبه أذكر يوم أمي تعلمني صلاتي ,, وآذكر كيف كانت تلبسني جلالي ,,
كانت تقول ياسارهـ الله الله في صلاهـ الفجر ,,
ولا تنسين وأنا أمكـ الوتر ,,
يبه والله ماعاد فيني صبر ,,
قولها ترجع خلاص تكفى يبه ,, قولها صرت أحافظ على صلاتي
قولها صرت ألبس جلالي لحالي ,, قولها خلاص أنا بجمع العابي
وأنا بغسل ثيابي ,, وأنا بقوم الصبح بدرى وألبس مريولي ,, وأحضر
الفطور لخواني ,, بس ترجع لي تكفى يبه ’’
أمي وين ؟؟؟؟؟؟؟؟؟
لا تقول راحت السوق البعيد ,, تشتري لي فستان جديد ,,
عشان أفرح وأغني بالعيد ..
قولها مابي شي خلاص ,, أبيها بس ترجع لي تصففلي شعري
وتختار لون لشباصتي ,, وتجلس قبالي وتضمني ,, تكفى يبه
خلها ترجع وتضربني ,, بس لا تتركني ,,
أبي أحتضنها بجنون ,, لو يكون اللي يكون ,,
أدري عليها أمون ,,
إن خطيت أو شكيت أو حتى بكيت بانتظاري قمة الصدر الحنون ,,
يبه ياكذبها أبله سعاد تقول يابنات بكرهـ حفل الامهات …
ولازم أمكـ تجي ياوعد ,, وأنتي بعد ياعهد ,, وأنتي معاهم ياحصه وشهد ,,
بس ماقالت لي يبه !!
تقول اللي ماعندها أم تصير يتيمه ,, مسكينه ,, لا تجي بكرهـ !!..
يبه كانت تتكلم وتناظرني ,, كآنها تقصدني ..
يبه قلت لي أمي بتجي الساعه 12 !!
متى تجي الساعه 12 ؟؟؟
ننام ونقوم ننام ونقوم يعني معقول باقي ماجت الساعه 12 !!
يبه أبله سعاد تقول ياسارهـ أنتي تغيرتي ,, أنتي كبرتي وصرت عروس ’’
يبه أمي كانت تقول ياسارهـ متى أشوفكـ عروسه ؟؟
يبه خلها تجي وتشوفني ,, خلها بس تجي وتضمني وتروووووووووووح ’’
يبه يقولون أمي راحت وخلتني ,, سافرت وسابتني ,,
يقولون أمي ماتت خلااااااااااااااااص ..
يبه ليه تبكي ؟؟ ليه ماتحكي ؟؟
تكفى يبه قولها خلاص مابي فستان ولا عبايه وشال !!
ولا أبي شي خلاااااص بس ترجع لي تكفى يبه تكفى خلاااااص ..
تكلم يابوي أمي ماتت صح !!!!!!!!!!!!
آآآآآآآآآآآآآآآآآآآآآآآآآآآآآآآآآآآآآآآآآآهـ ’’’’
الحين منهو يروح معي حفلتي ؟؟
ومنهو يشاركني فرحتي ؟؟
ومنهو يسمع شكوتي ؟؟
ومنهو يمسح دمعتي ؟؟
من دونها يبه أنتهت دنيتي !!
وبفراقها يبه ودعت بسمتي !!
ليه ياميمتي ؟؟ حرمتيني شوفتك !!
وتركتيني لوحدتي ,,
تكفى يبه قول أنها باقي في السوق ,,
قول أنها بتجي الساعه 12 ,,
أكذب يبه تكفى يبه قول أنها بترجع لي خلااااص
قول أنها بترجع لي خلااااص ,,
تكفى يبه .. تكفى يبه
تسلمين ويعطيج العافية..
الله يعافيك يالغلا نورتي عنوني
لاتحرمينا من طلتك الحلوه
وانا عيييين الصواب
يعطيج العافية
كلمات مؤثره وتعور القلب ..
والله دمعت عيوووني غصب …
أصعب احساس ممكن يحس فيه الانسان انه يفارق أعز انسانه عليه .. امه ..
الله يخليلنا أمهاااتنا ويحفظهم من كل شر و يبارك فيهم ويرزقنا برهم ياااا رب …
وتسلمين الغاليه على هالكلمات الأكثر من رااائعه ..
سلمت يمنااااااج …
المشاركة الأصلية كتبت بواسطة بلوشيهـ دلوعه 
وانا عيييين الصواب
نورتي يالغلا
قصه مؤثره جدا الله يسلمك يالغلا