شحالكم؟ ان شاء الله بخير..انا مب صاحبة النك بس حابة اطرح موضوعي بعد ما خذت اذن من صديقتي مس كتكوته.. بس بتابع ردودكم اول باول
بقولكم سالفتي عالسريع وما بطول وياكم,,, وبليز بليز بليز ما ابغي ردود جارحة ,اللي ما عندها رد تخليه حق عمرها..
سلمكم الله انا وحدة ايلس في حالي في الدوام … يت فترة اشتغلت على بروجكت مع واحد في فرع ثاني ..وكانت من بيننا اتصالاات وايميلات ننتناقش فيه بامور البروجكــت ..وكنت الصراحة وايد جاآدة معاه يعني سوالفنا ما تتعدى الشغل …
يت فترة بدآ الريآل يسولف سوالف جانبيــة وعادية بجانب البروجكت كتغيير الجــو ، مثلا يقولي كيف دوامهم في فرع ثاني وكيف الشغل ماشي ـ وكيف تعامل المدراء والموظفين ـ والمواقف اللي تصيره بالدوام ــ
المشكــلة بين فترة وفترة ييب طاري انه هو يدور بنت الحلال بس مب لاقي ـ ووايد يتمدح في اخلاقي واسلوبي لدرجة قالي عايبني اسلوبج .. ويسالني بطريقة غير مباشرة اذا حد في حياتي او مخطوبة من هالامور ..والصراحــة الصراحة حاسة انه هو يحبني وفي وايد مواقف اثبتت لي هالشي …
لانه هو مرة قايل شي بالغلط حسسني بهالشي ، مرة يقولي انا كنت اتريا اتصالج عن البروجكت من صبح وكل 5 دقايق اجيك التلفون ارمس الناس بس بالي مشغول اتريا متى تتصلين..انا انصدمت وسويت عمري عادية ،حسيته انه هو ياخذ عذر البروجكت عسب يتقربلي،،الانسان محترم ومب من النوع اللي يرمس باشياء تآفهة ، واحس تفكيره ناضج ..وعلى فكرة هو مب شايف شكلي لين الحين..
ما ابي احط آمال عليه انه يتقدملي ..ولين الحين بعدني ما حاطة امال بس فرضا فرضا اذا كان هالشي صحيح احس اني ما ابادله نفس الشعور اللي حاسنه تجاهي .ما احس اني اشوفه بمنظور ثاني بس اشوفه باحترام وزميل ..وما افكر حتى يتزوجني وساعات اقول اذا تقدملي كيف بوافق واخذ شخص ما اكن له اي حب
هو عمره 29 وانا عمري 25 مع اني كبيرة بس احس بعده تفكيري مثل صغارية احب اطلع ويا ربيعاتي واحب استانس بحياتي واحب ادلع عمري واستقلالية بشكل ما تتصورونه وما احب حد يتحكم في حياتي ..
هالموضوع شوي شاغل بالي ..ومثل ما قلتلكم اني ما حاطة امال عليه بس افضفض باللي احسه بشكل عام وانتوا شو رايكم بالموضوع…
وسلاااامتكم..
ما حبيت اطلع بدون ما ارد لو بشئ بسيط
السموحه
ربي يووفقج دنياا و اخره يااااااااااارب
لا تفكرين وايد بشي بعده ما استوى
وافكاار توديج وافكار تردج ….
اذا فرضا تقدملج ….
لا تحاتين استخييييري وثقي انه ما بيستوي الا كل خير لج ان شا الله ^^
ودام ان هو ماشافج ما تقدرين تحكمين على شي …
وبعدين لو الله راد وصار شي انصحج لا تتعمقين فالعلاقه خليه على طول يتواصل يا الوالد او ولي امرج
يعيبني الريال الي يمشي سيده بس ييلس يرمس وايد ويلف ويدووور ما احب يعني دام هوو في قلبه معجب فيج ما يمنع ان يدق باب البيت ليش هالمقدمات كلهاااا انتي حد في حياتج ولا حد خطبج و و و
يمكن هو ما تعمق وياج في سواالف مالها معنى لان انتي ما عطيتيه ويهي بس لو مثلا يلستي تاخذين وتعطين وياه يمكن يكون غير…بس انتبهي عن تغلطين وتنسين نفسج
وحطي في بالج لو صدق في نيته ان يدور بنت حلال خله يدق باب البيت