مبروك للي تزوجت منكم..
واللي على شَفا حفرة من الزواج!!
واللي تشوف القفص الذهبي من بعيد وودها لو تفتحه وتدخل بس للأسف لسه ماحد نسخ لها مفتاح!!اركدي يابنت ولاتستعجلين بيجيك النصيب بكرة ان شاء الله!!
-عزيزتي العروس تحتاجين إلى سماعات للأذن عازلة للصوت!!لأن النصايح والتجارب بتتحذف عليك من كل صوب..فالأفضل إنك ماتسمعينها!!
-عزيزتي العروس بزواجك من خطيبك..لابد أن تعرفي إنك لستي مقبلة على معركة ولاداخلة إلى عالم الشكشكة!!الأمر يبغاله حكمة وتكتكة!
ولاتكدرين خاطرك وتعطين إذنك لكل من شكى وبكى
–عزيزتي العروس ماضبط مع فلانة من تجربة أو حركة مو شرط بيضبط مع عريس الغفلة!لذا نصيحتي لاتحولين زوجك إلى فأر تجارب ثم يدعي على أمٍ جابتك!!
–لاتآخذون فكرة سيئة عن أهل الزوج من البداية ثم تدخلين عليهم بسيف ودرع استعداداً للغزو!!بالعكس اعقدي هدنة من الأول وإن لعبوا بذيلهم من هنا ولاهنا افرضي عليهم الجِزية!!
–لاتقعدون تحلمون طول الوقت مثل أليس في بلاد العجائب..كيف بأسوي بأول ليلة؟ واش بيقول لي؟ واش بأقول له؟ دعي الأمور تأخذ مجراها ياامرأة!!
–لاترسمون طموحات رومانسية فوق العادة!!لأنه بعض..بعض الرجال بطارية الرومانسية عنده تستمر لأشهر أو سنوات معدودة ثم يصدي!
فعندك حلين:
-يا تدهنينه بالزيت يمكن الصدأ يلين!!
-ياتعيدين شحنه من جديد وإن كان من النوع الأصلي بيستجيب!!
–لاتكونين مثل حجات البسطات كل ماشافت زبون نثرت بضاعتها!!بالعكس احتفظي بأسرارك الشخصية والعائلية بعيداً عن أذن زوجك!! لأنه الرجل يستمع لك في البداية ومع الوقت يبدأ يرسم صورة لك ولأهلك وغالباً ماتكون ملونة بس بالأبيض والأسود!!عاد هذا يعود للبلاوي اللي نشرتيها عنده!!
–بعد الزواج لما يبدأ اختلاطك بالحياة العامة حطي فاصل!اللي يسير بمجالس النساء لاتنقلينه لزوجك واللي تسمعينه عن مجالس الرجال لاتنقلينه للنسوان!!بتقولين ليش؟؟
أقول لك:إحذر تسلم!!واسألي مجرب ولاتسألين طبيب لأنه بيكتب لك بنادول على طول!!
–حياتك مع شريك عمرك غلفيها تمام بقالب من السرية عن أعين الفضوليين مثل ماتغلفين طبق الحلا بشكل ممتاز عشان ماتخترقه لحسات الذباب!
–ومو كل وحدة تتعرفين عليها تفشين لها أسرارك الزوجية!حتى أقاربك مو كل شي تقولين لهم عليه!كثير من الزوجات محرومات من تودد أزواجهم لهم وملاطفاتهم والبيوت أسرار..وممكن انتي توصفين شي بحياتك هم يفتقدونه!
وبكذا تجنين عليهم وعلى نفسك..ياإما:
1-إنهم يحسدونك على النعمة اللي انتي فيها أو يحقدون!
2-أو تحس الوحدة بحسرة وإنها مو عايشة حياتها مثلك ويصيبها قهر!
3-أو تبدأ المقارنات بين زوجك وزوجها وتقلب حياة زوجها على راسه والسِبة انتي!!
—أخيراً
الزواج يكون رائع لو انبنى على أساس من الحب والمودة والرحمة والتفاهم بين الزوجين..وأروع مايزينه طاعة الله وتقوية صلتكم فيه..
دعواتي للجميع بالتوفيق..
منقووووووول^^ للفائده
لا يغرج نكي بعدني انسه :$ اتريا بعلي اللي ما شرف
الله يوفق كل المعرسات يالف بين قلوبهن وقلوب ازواجهن
والله يرزق العزابيات ازواج مخمومين القلب صدوقين اللسان
اللهم امين
المشاركة الأصلية كتبت بواسطة ام ميرنا 
لا يغرج نكي بعدني انسه :$ اتريا بعلي اللي ما شرف
الله يوفق كل المعرسات يالف بين قلوبهن وقلوب ازواجهن
والله يرزق العزابيات ازواج مخمومين القلب صدوقين اللسان
اللهم امين
وانتي مرورج اللي يفتح النفس اكثر حبيبتي
اللهم امين حبيبتي ويرزقج بالريال اللي يثمنج ياربي
^^
الله يتم لج على خير يا قلبي
^^
-عزيزتي العروس ماضبط مع فلانة من تجربة أو حركة مو شرط بيضبط مع عريس الغفلة!لذا نصيحتي لاتحولين زوجك إلى فأر تجارب ثم يدعي على أمٍ جابتك!!
صصرآحه حبيت هالنصصيحه.. لأنهآ جد جد حقيقه
أكثر البنآت يآخذن تجآرب غيرهن .. وهالششي أكبر غلط.. سوي الشي من نفسج ومآعليج من رمسه حد ..