•l||l كيكة السنافر ماشي أسهل منها وأهلج بيحبونها بالصور والمقادير لاتفووووووتج l||l•

السلام عليكم ورحمة الله وبركاته

شحالكم سيداتي و آنساتي العزيزات

مابطول عليكم

بعلمكم طريقه سهله للكسلانات

في عمل حلاوه لذيذه جداً واللي هي " كيكة السنافر "

طبعاً دوم يطلبونها مني فالبيت اسويها لهم

حتى اقدر اسويها وانا مغمضه خخخخخخخخخخخخخ

وفي وايد طرق مختلفه لهذي الكيكه وهاي إحداها

يلا نبدا >> المقاديــر

6 علب بسكويت جلوكوز
كوب من الحليب
6 علب من القشطه
كيس كراميل ( للتزيين )
بودرة الشوكولا
سكر

.: طريقـــة العـمل :.

أول شي بنسويه بنحط ثلاث علب قشطة مع ثلاث ملاعق سكر ( ملعقة الأكل )

وهذي بتكون خلطة الفانيلا

والخلطه الثانيه الي بالشوكولا بتكون

ثلاث علب قشطه مع ثلاث ملاعق سكر مع ملعقتين من بودرة الشوكولا ( انا استخدمت ماركة كادبوري )

نخلطهم عدل كلهم الفانيلا والجوكليت

وبيكونون بعد الخلط بهالصوره

أهم خطوه تيبين مله وتحطين فيها حليب ..

وتغمسين قطعة البسكوت مره وحده فقط وبسرعه علشان ماتتكسر البسكوته

علشان تصفينها فالبايركس

انا استخدمت بايركس مدور ،، ويكون احسن لو مستطيل أو مربع

علشان يسهل عليج ترتيب البسكويت

صفيته بهالشكل

وبعدين تغطين طبقة البسكوت بـ خلطة الشوكولا بهالطريقه

( طبعاً ممكن تبدين بالفانيلا يعني حسب الرغبه )

وبعدين ترجعين تصفين البسكوت وتحطين عليه خلطة الفانيلا وهكذا

الين ماتخلصين كل الطبقات الي عندج ..

وتزينينه على راحتج بالطريقه الي تحبينها ..

انا خليت آخر طبقه كل ربع بنكهه

وبعدين زينتها بالكراميل وفتات البسكويت

شوفوا كيف ظهرت ويايه

وأخيراً غطيتها بالبلاستيك وحطيتها فالثلاجه لمدة ساعتين الين ماتجمد

وهذي صوره يوم سويتها بـ بايركس مستطيل

وزينتها بـ شوكولاتة فليك المبشوره ..

ونصفها كان فانيلا ونصفها الآخر شوكولا

يعني التزيين بيكون عليج

لاتنسوني بالدعاااااء

أختكم،،

ياي حلوه كثير بس مش كان القشطه كثيريعني 6 علب والله كثير ونحنا نريد نخف

بس شكلها حلو تسلمين

ردج الأحلى حبيبتي

ترى البايركس وايد عميق وكبير ماشاء الله لاتغرج الصوره ^^

وبعد مايكفيهم فالبيت لووووول

انتي تقدرين تقللين الكميه على حسب افراد الاسره ياقلبي ^_^

وحياج مره ثانيه

اختج
شيخة الحريم

تسلم ايدج اختي شيخة الحريم وعندي وايد من هالبسكوت يبالي اجرب هالوصفه بس وين السنافر اللي فيها ؟؟؟؟ههههههههههههههههههه

هلا وغلا ..ويييينج ….تسلميييييييين على الوصفة اللذيذة …وتسلم أناااملج …

مشكوووووووووووووووووورة …..

أم خويلد ،، الله يسلمج فديتج يلا جربيها وخبريني إن شاء الله تعيبج ^.^ والسنافر في البيت منخشين عن شرشبيل خخخخخخخخخخخخخخخخخخخخخخخخخخخ

لوليانو ،، هلا حبيبتي انا موجوده بس مشغوله في الدنيا والله ولهت عليكم وعلى هالقسم بالذات ,, الله يسلمج الغلا جربيها وادعيلي ^.^

مشكورين على المرور

لا عدمناكم،،

اختكم
شيخة الحريم

شحالج ياشيخة الحريم .. هاي الاكله أمووت فيها بس عيااازه اسويها … دايم اسويها فرمضان احب اسحرها ماتعطش … شهيتيني جان مادق للدكان اييبلي باسكووت بونص … هههه