حبيت اخذ رااايكم في موضوع….
هل انتوا مع البنت اللي ادور وتسعى حق نصيبها يعني ادور عن ريلها بالحلال او ضد هذا الشيء…؟؟؟
آراااءكم بليـــــــــــــــز….
تحياتي.
اذا تقصدين انها تتقرب من امه او اخته او حد من قريباته مثلا فها شي عادي احسه
بس اذا تقصدين انها ترمسه وجيه فها لا
لا بمصلحتها ولا شي بالعكس يمكن يكون مضر لها
والنصيب بيد رب العالمين يا الغلا حتى لو كنتي فبيت مسكر ما تظهرين منه وربج كاتبلج النصيب
فبييج نصيبج بامر الله تعالى
قريت كتاب من فتره ومن ضمن فقراته ان لو الانسان كاتبله ربه شربة ماي قبل ليموت
ما بيموت الا لما يشرب هالشربه عاد اتخيلي يمغة ماي مكتوبه لج ولازم يشربينها
وهالشي يدلنا على انا نؤمن بقضاء الله وقدره ولا نستعيل الرزق يمكن الله كاتب لنا بالامر
اللي مستعيلين له الخير بالتأخير
موفقه اختيه
هي ولا
مثل ما قالت الاخت
تتقرب من امه او خواته
عشان يحبونها ويخطبونها حق ولدهم
وطبعا ما ننسى الدعاء والصبر أهم سلاحين لازم البنت تتمسك فيهم
مب عشان الزواج بس
عشان تقوي صلتها بربها
وما اوافق
لان عندي قناعة كل بنت بييها نصيبها
سواء طلعت برا البيت او قعدة في البيت
فماله داعي التقرب حق اي حد
التوكل على الله في هالامور تخليج تحسين بالراحة
لان امورج موكلتنها للرحمن الرحيم
والحياة ما تتوقف على الزواج
ولكن ما انكر انها محطة مهمة في حياة كل بنت
الله يرزق بنات المسلمين الازواج الصالحين
الغالية النصيب بيدالله اللي كاتبلك بيصير وسبببحان الله لو الله ارادلك شي راح يجيبه واكثر النصيب يجي بصدفه سبحان الله ناس عمرك ماشفتيهم او عمرك ماتوقعتي تكوني من نصيبهم يجونك هذا للي شايفته يحصل عندنا وبعدين التوكل على الله الدعاء ثم الدعاء هذي الصله الوحيده اللي بين العبد وربه
ياااااااااااااارب يرزقك ويرزك البنااات كلهم بالازواج الصالحة
