بدخل في الموضوع على طول لاني ماعرف اكتب مقدمات لوووووووووووول
من 4 شهور الدورة عندي ماكنت منتظمه يعني يتني خلال شهرين 3 مرات ويوم صرت فحصت قالت لي الدكتوره في كيس دهني حجمه صغير ووصفت لي ادويه بس انا ما خذت شي من الادويه
من اسبوع سرت عياده ثانيه وقالت الدكتوره في كيسين واحد حجمه 3.5 والثاني 4.5 ولازم تشيلينهم بالمنظار… قلت لها باخذ ادويه ما بسوي منظار قالت الادويه مب زينه
فاللي مرت بها التجربه تخبرني كيف تعالجت هل شلت الكيس بالادويه ولا بالمنظار وفي اي عياده ؟؟
وللعلم انا مب معرسه …وقالولي ربيعاتي لا تسوين منظار لانج بنيه ..
انا نفسج كان عندي تكيساااااااااااااات وايد لدرجه انه الدورة انقطعت علي وهرموناتي تلخبطت والتبويض ضعف عندي ومتنننننننت وايد وصل وزني 90
طبعا رحت الطبيبة اول شي قالت نزلي وزنج ونزلت لل60 ثاني شي انج لازم لازم لازم تاخذين دوا ينظم الدورة ومعاه دوا يشل التكيسات هذا ضرووووري خصوصا اذا كنتي بنت ليش ؟ عشان لما تزوجين ان شاء الله ع طول تحملين لان علاج التكيسات صعععععععب بعد الزواج يبيلة وقت طويل وعقب ماتعالجين التكيسات يلا تقدرين تحملين
لذلك اختي انصحج تروحين طبيب او طبيبة مختصة نسائية , بس ماقلتي انت كم وزنج ؟ وهل متنتي بهالفترة ؟ وعندج شعر بويهج وجسمج اكثر من العادي ؟
انا ممكن اساعدج اذا تحبين تتواصلين معاي على الخاص لاني صرت خبرة بهالموضوع ^^
وزني 54 تقريبا
وهالمرة الدورة متأخره تقريبا 5 ايام
اتواصلي وياي عالخاص دخيلج
لكن المفاجأه
بعد ماولدت حطيت حصى حارة على بطني واليوم الثاني ياني الم فضيييييييييييييييييع في بطني ما أقدر امشي ولا ايلس ولا أنام إذا اتحركت اشوي أموووووووت من الويع
رحت أراجع عند دكتورة قالتلي عندي كيس دم وماوصفتلي أي دواء قالت ابروحه بيروح
رحت راجعت عند دكتورة ثانية واصدمتني !!!!!
بعد مافحصتني قالت عندي كيسين كيس دم وكيس ماي … قالت لازم انسويلج منظار يعني بيشقون بطني 5 سم
ايقولكم من الزيغه شردت عنهم
والحين مب عارفه شو اسوي أخاف اهمله وبالآخر أتعب