بنات بصراحه مااعرف شو اقولكم بدش فالموضوع …المهم…انا ريلي هاجر حرمته الاولى لأسباب ماقدر اقولكم شو الاسباب هذي ..بس .. انا اعرف معظمها مب كلها لأنه انا مااريده يخبرني وبعدين الحرمه الاولى قالت له انا بس ابيك اسم انه عندي ريل وكانت دووم تقوله جي حتا الحين يوم هاجرنها تتصل به تقوله لاتطلقني انا اباك اسم بس !! وبعدين شو علاقتهم كانت كيف قبل.!!
انين نحن حبينا بعض وتزوجنا والحين عندي بنت وريلي نادر مايوديني عند اهله هم مافيهم شي بالعكس طيبين حييل
ومره كنت سايره عندهم انا وريلي والصدفه انه كان ياي بالطريق اخو ريلي وحرمته !!وهذي حرمته اخو ريلي ماتحبني لأنه ربيعت حرمه ريلي الاولى …المهم …وشو سوى ريلي طلعني من البيت عشانها ياياه الشيخه انا سكت ماقلت شي هي منو تتطلع عشان يطلعني من البيت عشانها ؟؟بذمتكم انتو شو رايكم ؟؟ريلي يقول بحجه اني ابتعد عن المشاكل
خلاص الحين طافت علا السالفه 3 اسابيع ولا تنسون تعلقون عليها؟؟!!
انزين البارحه كنا طالعين نمشي بنتي وبنت ريلي من الاولى ماشاء الله عليهم وبنته من الحرمه الثانيه تبا عيال عمها راح ريلي اتصل بوخوانه وقالهم نزلو البنات كانو فبيت واحد اخوانه وحريمهم !!الحرمه اللي خبرتكم عنها حرمه اخوه (م) واخوه الثاني (ح) كانو متجمعين هم وحريمهم وعيالهم
انزين البنات نزلن ورحنا نلعب كلنا وبعدين رديناهم البيت وانا قلت لهن سلمو علا امهاتكم انا جمعت وماقلت حق ذي سلمي علا امج وماقلت حق الثانيه لا جمعتهن كلهن !!!
وانا سرت البيت وريلي طلع وعد كم ساعه اتصل ريلي فيني قالي انتي شو قصدج اتقولين حق البنات سلممو علا امهاتكم جان اقوله انته سمعتني فالسياره الحين ياي تسالني ؟؟؟؟
قالي لا بس اسال قلت له يافلان شو السالفه قال متصله حرمه اخوي (م) تقولي شو قصدها حرمتك تطرش سلام لي انا مابا منها سلام ولاشي !!انا قلت حشا هذي فيها قصد بعد !!المهم انا نيتي كانت سليمه مب شر !!ريلي ماقالي شي لأنه يعرفني !!وكان ريلي معصب عسبت اخوه وحرمته عشان فبيتهم استوت سالفه عووده وريلها اخو ريلي ظرب حرمته لأنه هيه تبي تمنعه عيالها عنا قالها ريلها لا هذيلا من بعدني اخواني بيربوهم عيال اخواني عيالي وعيالي عيالهم وهي ماظربها ظرب لا بس لطمها علا بوزها وريلي معصب عشان هالسالفه كلها هو سببها
.انزين هالسالفه كلها اخوه الثاني متصل ومخبرنه عنها لأنه كانت جدامهم كلهم …وقاله انه حرمه اخوهم (م) قالت انا انرظبت عشانها هذي ماعليه اكيد الايام بتجمعنا !!يعني قاعده تتوعد علي انزين انا شو يخصني انه ريلها ظربها !!وريلي متضايق يخاف تكون صدج اتلاقه فيها والحين طالعلي بسالفه انه هو خلاص عند اهله ماراح يوديني مع انه قبل كان ناوي بس عشان وحد شراتها !!!!!!! ويقول انا مااريد انحط في هذا الموقف وبعدين نضارب انا وخواني علا سوالف حريم !!! انزين شو رايكم بموقفه مايوديني عشانها ليش هيه منو انزين هيه مب ساكنه وياهم بس اونه لا يمكن تيي !!والله تعبت انا ابي اعود بنتي علا اهلها ماريدها شراتي انا مب متعوده علا اهل ابوي وعسب جي متقاطعين !!شو راييكم؟؟؟ألحين انا الغلطانه ولا ريلي الغلطان عشانه تزوجني؟؟؟؟؟؟؟محتاره
اختي لا تروحي بيت اهل زوجج الا في مناسبات الخاصة مثل الاعياد
اقصري الشر احسن لج
واذا عشان البنت اتركي ابوها يوديها معاه لما يروح لاهله
ربي يستر على الجميع
أنا أتفق مع ريلج…حاولي تبتعدين عنهم فترةعقب مع ايام حاولي تزورين اهله في وقت ما تكون موجودة….
ااذا انتي قلتي منو هي عشان مايوديني…. ريلج تفكيره صح…ابتعدي صدقيني اذا صار خلاف بسيط بين الاخوان بتنضرين بتستوي حياتج متوترة …ابعد عن الشر و غنيله
ااختي لا كبرين الموضوع….كبري عقلج ما شاء الله عليج طيبة وخلوقة….
تقدرين تتصلين في اهل ريلج….وتكلمينهم….لكن تزعلين من ريلج عسب ما يوديج بيت اهله ما يسوى
اختي هو ما يوديج بيت اهله عسب ما تستوي مشاكل!!!
الله يوفقج اختي…
اختج صمت
بس لاتضغطين عليه ولاتكلمينه الحين عالسالفه لين تهدى النفوس
شوفي وقت اهي مستحيل تكون موجوده فيه وروحي بشرط تكونين طول مع زوجج وبنتج طول الوقت
والله يعطيج على نيتج الطيبه
اختج
الخرشه
تبعتدين عنهم ولا أنج تحصلين مشاكل من وراهم ماتعرفين شو بيصير عقب ..
والله يهدي النفوس
