هذي أول مشاركة لي تقريبا بعد ما قريت مشاكل كثيرة في هذا المنتدى
انا متزوجة من 4 سنين وعندي طفلين ومن يوم ما تزوجت وأنا أعاني من زوجي معاناة ماعتقد انها خطرت على بال اي وحدة فيكم .gif "12 (8)")
انا انسانة أخطط للمستقبل وما أمشي ورا الموضة عمياني يعني البس واتكشخ في حدود مقدرتي المادية وما أطالع لفوق ومادة ريولي على قد لحافي في كل شي تتوقعونه حتى عيالي نفس الشي
أحب ألبس أحسن اللبس وأطلع وأسافر وأتكشخ بس مقدرتي المادية حاليا ما تسمح لي بهذا كله
أحب أوفر فلوس للمستقبل الواحد ما يعرف باجر بيستوي ؟!
أحب أفكر في مشروع يساعدني في حياتي وأموري المعيشية وأنا طموحة ..
بس للأسف ريلي العكس تمممممممممماما
يعق بيزاته على الكماليات من لبس , سوع ألماس , ماركات , موبيلات آخر موديل , سيايير يبدلهن بالسلفيات من البنوك , فواتير تلفوناته بآلاف مب مفتكر
كل ليلة يتعشى في المطاعم حتى اذا كنت أمسويتله عشا في البيت
حياته اسراف في اسراف وما حوشنا ولا فلس .gif "12 (41)")
امفلسين أنا وياه
والي أوفره أنا يروح يصرفه في اشياء تافهة مثل ما خبرتكم
وأنا مابي عيالي يكبرون أو يعيشون ناقصنهم شي .gif "12 (46)")
وهو بهالطريقة يالس يدمر مستقبل عيالنا ما يفكر في مستقبلهم ولا قاعد يخطط شي لعائلته
يعني أحس ان هو الحرمة وأنا الريال
انصحوني شو أسوي معاه ؟
ما حاولتي تفتحين الموضوع هذا وياه
؟؟؟؟؟
هذي مشكله كبيره هو مب مفتكر بها
وخاصة السلفيات
انا اكره ماعندي السلفيات
لا حووول الله يكون فعونج
وأي شي ينقص خليه اييبه
طلبي طلبات البيت بدون تردد
خليه يحس انه في شي مهم وفي شي أهم
وانت وفري من فلوسج ولا تقولين له
والله يهديه
ترى هذا الموضوع معذب واااااااااااااااايد حريم
الله يكون في العون
ترى الدنيا اليوم لنا وباجر علينا
وحاولي تقنعيه انه يعطيج مبلغ شهر تتفقون عليه للتوفير وما يسألج عنه بعدين إلا لحاجته
وحاولي تقنعيه ان التعليم اليوم بفلوس يعني باجر شو بيكون؟
ويوم يدخلون الجامعات حاجاتهم تزيد .
يعني وانت تكلميه خليه نظرته للأمور لبعيد.
والله يسعدكم ويهديه
والله لو اموفر فلوسه للمستقبل جان الحين هو مليونيير
