شحالكم بنوتات
بقولكم شي بصراحة بس لاتزعلون اليوم اول مرة ادخل هالقسم كل ماشوف هالقسم اقول انا مستحيل ادش هالقسم مالي خانه فيه
بس يأست من نفسي
معلومات عني:
عمري 25
متزوجة
مربية من 4 شهور
وزني قبل الحمل 53
بعد ماربيت وزني ثبت على 63
يأست ابا البس بنطلوناتي ابا اتكشخ مثل اول شورتاتي ضواق كلشي ضيق علي
نسيت اقولكم طولي 160
نفسيتي تعبت
فحبيت اني ابدأ ريجيمي وهو أول ريجيم حقي ياليت تحمسوني وتشجعوني
خبرني عن ريجيم الكورنفلكس اللي تعرفه تعيني معلومات اكثر
امس طبعا قلت لريلي اباا اسير الجمعية ابا اشتري اشيا للرجيم ضحك قال مابتواصلين لاتقصي على عمرج قلت بتشوف هو طبعا دوامة اسبوع وبأسبوع فبستغل الاسبوع اللي يكون فيه بالدوام اللي هو ها الاسبوع ببدأ
وانا اليوم تاريخ 19-3-2017 قررت ابدأ الريجيم
فبديت اليوم
طبعا انا ما أتريق ماحب لاني اصلن أنش متأخرى
الغدا: الساعة تقريبا 1،30
فكان غداي عبارة عن صحن كبير تبولة معصور عليها ليمون ومل حاولت اخفف الملح ماقدرتالعصر: الساعة 5،30
كلت كورنفلكس سبشل ك +حليب قليل الدسم
العشا: الساعة 8 قررت اني ما اكل بعد الساعة 8 شي ابدا
قطعة توست اسمر حمصتها بالفرن + قطعت سندويجة توست اسمر دواير صغار وايد قطعتين وحمصتها بالفرن لمدة دقيقتين وطلعتها وعقب حطيت فوقها لبنة بالزعتر + شربت عصير أنناس+ حبة تمرة عجوة وحدة عن خاطري
بالليل: الساعة تقريبا 3
انا من النوع اللي احب اسهر قررت اسوي لي شاي اخضر لبتون وماحطيت فيه شكر مع اني مع ريلي اا شربنا شاي اخضر ندبزه شكر مع اني ماكنت اشربه مع شكر هو خربني
وهذا اول يوم وبكرة ان شاءلله بكمل شو كلت وشو ماكلت بس اباكن تتشجعوني
نقطة مهمة انا مدمنة ككاو مادري شلون بستحمل بدون ككاو
ابا منكم مساعدة ثانية
شو ممكن اكل وانوع في أكلي شو تقترحون علي
لاني غشيمة ابا اكلات حق ريجيم ناوية انزل عدل
اذا تبين تنزلين بسرعة 4 كيلو باسبوع جربي الريجيم الكيميائي اللي هو ريجيم اسامة حمدي
سوي له سيرج بجوجل
وعن ريجيم الكورن فلكس هو بيكون ريوقج وغداج وعشاج
اخذي كورن فلكس الفتنس اللي بالفواكه لذيذ ويا حليب قليل الدسم وبس
يعني كل وجبة ملة من الكورن فلكس
سوي سيرج بجوجل بتحصلي اشياء وايد
وعن الاكلات الخاصة بالريجيم
هذا ملف للاخت مبدعة النت يزاها الله خير
بينفعج وايد
تفضلي الرابط
بكمل معاكم
اليوم نشي الساعة 1،30
شربت قلاص ماي كبير دافي
واين مخلية الخدامة تسويلي الغدا
عبارة عن روب بالخيار مع ثوم وفلفل وملح + بيضة مفورة باكلها مع حبتين توست
