مساء الخير يا أحلى عضوات ^ـ^
محتاجه مشورتكن وإللي عندها خبره
لأني أبى أسافر الاسبوع الياي إن شاءالله مع ريلي ماليزيا
الجدول مبدئيا كوالالمبور بعدين بينانغ وبعدها لانكاوي
وأبى أعرف شو أحسن أحجز التذاكر بس ونسافر وبعدين بروحنا نحجز هناك
ولا أفضل آخذ باكيج من الطيران؟؟؟؟
ولا أحجز الفنادق أون لاين مع التذاكر؟؟؟
والله محتاره!!!
أبى أسوي مفاجأه حك ريلي
الرحله تقريبا أسبوع
بدعيلها إللي بتساعدني وبتعطيني أفضل الطرق للحجز *ـ*
أرجوكن بنات أتريا ردودكن
عن نفسي أروح وأنا حاجزه كل شيئ حتى المواصلات
المشاركة الأصلية كتبت بواسطة أسيرة قلب 
عن نفسي أروح وأنا حاجزه كل شيئ حتى المواصلات
هلا والله
إنزين من وين تحجزين ممكن تقوليلي الخاص لو تبين
انتظر ردج
I need some help girls *_*
waiting
افضل تحجزين من اهنه اذا كنتي من ابوظبي عندج بيت العطلات خواتي يتعاملون معاه
بس اكثر مكان استانسنا فيه هو بينانج وجينتنج
بينانج حلوة بكل شي بطبيعتها واماكنها
وبتلاقين في سوق الليل مطاعم اشكثر ومعظمها عربية يعني ثلاث ليال فيها ما بتملين
لنكاوي حلوة بس ما حصلنا اكل زين وكل اكلنا كان من كنتاكي ونضطر ناخذ في كل وجبة ..تاكسي عشان نحصل اكل
وتكفيها ليلتين بس ..لانها جزيرة صغيرة واكثر شي استانسنا فيه الرحلة البحرية للكهوف لا تضيعينها
جينتنج روعة روعة وجوها بارد وحلو وايد استانسنا فيها …سكنا في فيرست وورد وكان فيه كل شي العاب ومول واكل حلال ..وفي الفندق طريق يوصل بالالعاب الخارجية … يعني تدفعين تذكرة وتقدرين تلعبين في الالعاب الخارجية طول اليوم
سان وي لاجون سكنا فيها ليلتين كانت حلوة فيها فندق ومول ومطاعم متنوعة واربع حدائق كبيرة العاب وماي ……. الخ ووايد حلوة
كواالامبور ما استانسنا فيها موووووووول يمكن لانها العاصمة وزحمة بس للتسوق حلوة… بس بما انج سايرة اسبوع معناه تبون جو رومانسي بدون تسوق
فانصحج ما اتمين في كوالامبور الا ليلة بس على اساس تريحون وتطلعون طلعات خفيفة لانه بالباجر عندكم سفر يعني تخلونها آخر محطة ..او تخلونها ليلتين وتقضون ..يوم كامل في منتجع افاموزا ويوم في سان وي لاجون
وطبعا تقدرين اتسيرينهم بالسيارة
ولو تبين رايي ثلاث ليال بينانج
ليلتين لنكاوي
ليلتين كوالالمبور
وتحجزين عن طريق مكتب السفريات افضل عشان ما تتبهدلون في الفنادق
بيكون كل شي مرتب ومنظم وبتستانسون اكثر
والله يسعدكم ويهنيكم وسفرة حلوة ان شاء الله يا رب
