الحمدلله اعرف اتمكيج ..بس ابغي اغير طريقتي ..ابغيه يكون وايد سمبل بس بطريقه حلوه و يديده و
يطلعني بسن اصغر …"تراني مب عيوز " ..بس جي احب ابين اصغر " خقاقه ابا الناس يتحرون
بناتي خواتي …!"
و في اشيا بنات يستخدمونها ما اعرفها ..
شفت موضوع الاخت ظبيانيه الله يحفظها ..ماشالله عليها صدق فنانه ..بس للأسف الصور ما ظهرن عندي
https://forum.uaewomen.net/showthread.php?t=138147
" لوني حنطي …ياي على الصفار شوي ..و فيني هالات سوده غامجة " الله يخلي بناتي و ريلي " ماشي رقاد ..
اللي تعرف طريقه مكياج طبيعي تكتبلي الطريقه مع الالوان عشان اعرف شو اشتري ..
و شكرا جزيلا …
تبين مكياج ناعم و بسيط ؟؟؟ ويبينج أصغر ؟؟؟
1- خذي أساسات مختلفه , درجه فاتحه لتحت العين و عظمة الخد , درجه متوسطه للوجه كامل
بودرة تكون أفتح عن لون ويهج بدرجة وحده
2- آي شدو على الوردي , و البنفسجي الغامج و هاي لايت لتحت ( ابيض لؤلؤي ) الحاجب يعني 3 ألوان
3- حطي الأبيض تحت الحاجب و حطي الوردي على الجفن بحيث أنه يوص للجفن العلوي قريب من الحاجب بشوي
و بعدين كحلي عينج من الداخل بالأسود و من تحت بحيث إن الزاوية الخارجية من العين تكون أعرض من الزاوية الداخلية
و حطي على الكحل لون بنفجي غامج و من أطراف عينج عشان يبين سموكي نوعا ما
طبعا لاتنسي المسكرا و خط آي ****ر خفييييييييييف من فوق .
موفقة الغلا
وبـــــــــــــس ..
هذا إلي أنـا احطـه يوم أكون فالبيت أو سايره موعـد أو مكان مش رسمي
