بنات … ابي ماسكات وشغلات لجســـــــــــــــــم الحامل
تشيل البقع وتحسن الجلد
عليج بالسدر
سواء تستخدمينه بروحه او تخلطينه يا اما ويا حنه يا اما ويا حليب بودره
يعطيج نضاااره للجسم ويوحد لون الجسم مع الاستمرااار بالاستخدام
انا عني تقريبا كل يوم استخدمه لما اتسبح بس لما اكون تعبانه اكتفي بالصابون المغربي ويا الليفه
ويهي شلت شعري البارح وامسح بالحليب قبل ما ارقد ومن ارقد والظهر واحط بيبي جونسون بويهي..هيه والله احط من كثر جفاف بشرتي
وصرت اشرب ماي واااااااااااااااااااايد
والبارح بعد سويت بدكير منكير عن جد حسيت صدق صرت نظيفة
بالنسبة لجسمي..خاطري اسوي لنفسي حمام مغربي بس مب قادرة اتعايز والله..
امم ماسكات ما اسوي غير الحليب والخميرة بالبيت..والاغلبية جاهز..
شعري والله ما احط عليه زيت خخخخخخخخخخخ بعد ما كنت اهتم فيه قبل الحمل
بس ناوية اقصه..ريلي معطني الضوء الاخضر بس للحين ما قررت..والله الوحام شوي ملعوزني
الله عندها اشياء حلوة تخبرنا..ابي اتنشط وانشط اللي حوالي 
أي نوع من السكراب المهم الاستمرار أنا مرة استخدمت سكراب من ماركة كلارينس
روعة الصراحة مال النعاع والفرق واضح من أول مرة تستخدمينه بس يبالج تستمرين
وفي عندج خلطات طبيعية مثل الملح والسكر بكميات متساوية ويا زيت زيتون وفركي جسمج منه
شوفي كيف ندواة جسمج شقايل بتكون
ودايماً لمن تفركين عمرج مش بـ العنف لأن العنف ما ايب نتيجة بـ العكس يزيد الطين بله
كل شي بـ الهداوة ^__^
وشنو بعد
هيه حاولي دايماً ترطبين جسمج من بعد الحمام مسحي على جسمج بيبي أويل مال جونسون
أو شوي زيت زيتون وايد ممتاز وبعد ما ينشف شوي خذي لج مرطب ( زبدة ) أي ماركة المهم زبدة
أنا دايماً أخذ من مارك سبنسر أو بودي شوب
تخلي ريحة الجسم فنانة & مرطب فعال للجسم
ونعيماً مقدماً
^__^
يا الغالية روحي الجمعية واخذي:
1. كريم زبدة الكاكاو
2. زيت اللوز للجسم
3. اي ماركة تعجبج حق التقشير .
وبالنسبة حق شغلات الحواج:
1. كركم الجسم
2. السدر
3. الطين
4. ملح فارسي يستخدم للتقشير
بالنسبة للزيوت استخدميها اول ماتقعدين من الرقاد وقبل لترقدين
وبالنسبة حق الشغلات الثانية ممكن تسوين هالخلطات مرتين في الأسبوع
استخدميها مدام انتي في بداية حملج
علشان بعدين مب وايد جسمج يتغير لونه
وربي يسهل عليج ويثبت حملج
