خواتي انا عضوة جديمة بس سجلت بـ نك يديد لان وايد ناس من اهليه يعرفون اسمي الأصلي و لين الحين السالفة ما استوت رسمية يعني ماريد الخبر ينتشر
المهم انا طالبة جامعية عمري 19 سنة و قبل فترة ياي عندنا دكتور يديد من جنسية خليجية – بدون تحديد – بس أمه مواطنة و اخته ويانا في الجامعة و هو عمره 30 سنة طبعاً عنده دكتوراه و متخرج من كندا و هو انسان معروف و ماسك منصب برع الجامعة و أخلاقه طيبة و ملتزم نوعاً ما و مشهود له بالزين و مثقف و راقي ما شاء الله
و بعد هالمقدمة الطويلة العريضة الله يسلمكن هالدكتور انعجب في شخصيتي و اخلاقي و اسلوبي ؛مع العلم اني محتشمة الحمدلله و جمالي عادي و مب راعية أصباغ و ألوان
المهم قال حق اخته اللي تدرس ويانا انه ناوي يخطبني بس يبغي يعرف رايي في الموضوع قبل ما يتقدملي رسمي عشان اذا كنت مب موافقة بيصرف نظر عن الموضوع !
الحين انا محتااآرة و متردده وايد من هالنواحي :
1- فرق السن ! يعني عادي لو كان اكبر عني بـ 11 سنة ؟! بنفهم بعض و ما بتستوي بينا مشاكل ؟! و اللي مرت بنفس التجربة يا ليت تفيدني و تنصحني
2- جنسيته الخليجية .. عادي لو اتزوجت واحد خليجي ؟ انا احس عادي يعني تقريباً ماشي فرق لأنه خليجي مب وافد و نفس العادات و التقاليد .. مع اني مب ناقصني شي و جدامي واايد فرص و مرغوبه الحمدلله
3- وضعه كـ دكتور في جامعتي نفسها و نظرة بعض البنات و حركاتهن و سوالفهن .. يعني اخاف تستوي مشاكل في المستقبل و خصوصاً من ناحية الغيرة انا وايد غيورة !
4- اخاف لو وافقت يخوّن فيني بعدين و يردني بلاده و انا ما اصبر عن الإمارات فديت ترابها 
يصير شي واتبعه وين ما يسير لو شو ما كان منصبه مرده لدولته وانتي بعدج صغيرة العمر جدااامج لو عودة
جان قلنا ..
في الاخييير الراي رايج واستخيري والله يكتب اللي فيه الخييييير
اكيد بستخير ربي بس بعد الإستشارة مطلوبة و انا ابغي اعرف رايكن في الموضوع 
