ادخلي وكتبي لنا عن قهوة ومشروبات النفاس

بسم الله الرحمن الرحيم

السلام عليكم ورحمة الله وبركاته
:1 (26):
شخباركم ؟ انشالله الجميع بخير
بما ان ولادتي قربت حبيت اخذ معلومات من البنات
عن القهوه اللي يشربونها وقت النفاس عشان تنظيف البطن ………. ابي كل وحده تدخل يابنات تكتب لنا شو القهوه والمشروبات بشكل عام اللي تشربها وقت النفاس……….ابيها تكتب مقاديرها وشلون طريقة صنعها …………. واذا للمواد المستخدمه لها اكثر من مسمى ياليت تكتبه
وتخبرنا عن فوايدها

يالله همتكن وخلن الكل يستفيد

تحياتي لكم اختكم في الله ورد جوري

مرحبا الغالية… الله يسهل عليج ولادتج ان شاء الله ويقومج بالسلامة …. بالنسبة للمشروبات في فترة النفاس انا انصحج بالحلبة مع العسل لانه مفيد واااايد ويزيد الحليب…. انا امي كانت تسويلي حبة الحمرا ،، تقول انه ينظف البطن … بس شو مقاديرة ما اعرف بصراحة … اتمنى البنات يساعدونج اذا عندهم خلفية ….

**انا الصراحة ف فترة النفاس.. اكثر من شرب الحليب و الحلبة اكثر من دلتين ف اليوم.. اسميه يدر الحليب..

**بعد نصيحة مب وااايد ناس يعرفونها حق زيادة الحليب و كثافته و يستوي دسم اكلي "حلاوة الطحينية" نسميها "رهش" اخذي اللي ف الجمعية اللي يكون فيها زيت و مكسرات..

**الحبة الحمرا اشربي كثر ما تقدرين ما تضر.. انا احط لي كمن دلة (حليب و زعتر، حليب و حلبة، الحبة الحمرا، ينسون، ميرامية.. و غيره) الحبة الحمرا ويا الحليب بعد حلوة وااايد حطي الها شوي زعفرا بتعيتش ان شا الله..

** بالنسبة للخضرة فهي تزيد الحليب و تدره انصحتش بالتبوله لأنها صدق تزيد الحليب و اشربي ينسون عشان ما يستوي غازات حق النونو..

**نصيحة أخيرة لا تشربين النونو اش شي غير حليبتش و ماي شوي.. و اذا بطنه يعوره اشربي انتي و شربيه الحليب.. و صدقيني افضله له

هلا حبوبه احنا بنعمل اكتر من شي

*القرفه : بنفورها العيدان او ناعمه عادي وبنسكبها في اكواب وبنزينها بالجوز والفستق وجوز الهند الناعم

*الكراويه بنعملها بنفس الطريقه وفي طريقه ثانيه بنسميها المغلي ما بعرف المقادير بالضبط بس اعرف انها كراويه وطحين رز وتزين بالمكسرات

ومثل ما حكوا الخوات الحلبه ب الله يعينك على الريحه

*عصير الكريبفروت بقوي الدم وبشيل الشحوم الي تراكمت في الحمل

*في شي بيعملوا مثل الشراب من حبة البركه بس ما عندي فكره عن الطريقه بسال وبرجع

هلا اختي الله ايقومج بسلامه انشالله
المهم الغاليه امي اتسويلي الحليه مع الحلييب

وبعد فيه اليمينين ايسون الحبه الحمرا مع الطحين والحليب وايد حلو طعمها ودر الحليب

وفيه الحبه الحمر ا مع الحلبه وتمر والفلفل الاسود والجرفا شي اسمها والله نسيت هذي عجيبه اتنزلج الوصخ كله وتشد البطن ولا اتحسين بمغص ما بعد الولادة

يالله اشوفج على خير

هلا فيج ام لطوفه والله يسمع منج وتكون ولادتي سهله
بنسبه للحلبه صعبه شويه ماحبها ولا احب ريحتها بس الحبه الحمراء حلوه مع الكاستر

هلا فيج المقهوره
ماشالله عيج دلتين ………… اكيد مبرده قلب امج مو مثلي كل ماقالتلي اشربي ولا كلي اكله قلت ماني مشتهيه و واخرشي قمت من النفاسي بولدي البكر الله يرحمه تعبانه وفيني دوخه وحس نفسي عيوز

الحبه الحمراء تعجبني وابي اتعلم طرقتها

مشكوره اختي