اذا انجبرت ان ام زوجج واخته الكبيرة يعيشون معاج للابد؟؟

اذا انجبرت ان ام زوجج واخته الكبيرة يعيشون معاج للابد، يعني زيارات االابناء و الاحفاد بزيادة و امهاتهم بيودرون عيالهم مع البشاكير يوم يطلعون و غير عيالهم الاولاد بيون دايما يشوفون امهم و يتمون بالساعات و حريمهم من النوع اللي يضارب لو فكرت تقوليلهم ملاحظة عل عيالهم، و انت سايرة.
هذي مشكلة يعاني منها الكثيرات

اذا ام ريلي جبرتها الظروف اتعيش معااااي حياها الله ولا بزعل لان بتخيل امي مكانها وين بتروووح غير عند عيالهااا

بس اخوات ريلي المتزوجات ما برضى ان كل يوم عاقين عيالهم ويا بشاكيرهم عندي واذا بيزعلون من ملاحظاتي برااايهم يزعلون لان البيت بيتي انا وانا ما بزعل حد انا بتكلم بالحق وبقووول اللي اريده في بيته واذا ما يعجبهم يشلوون امهم عندهم حسب يشوفونها كل يوم ..

مرحبا
بهم
واولهم عمتي واولهم حمياتي واولهم عمي
^_*
والله انا الداشه وهم الطالعين ^_____________________________^

اهل ريلي كلهم على عيني وراسي بس يمكن استقبل امه بس خوااته والله ماادري عادي حرام بستقبلهم قبي يعورني مااحب جيه صح اني بضايج بس عادي مااحب اشوف حد متلته اكسبي الاجر

لا ما أظن برضى في البداية

بس عقب بتعود على الوضع و بيكوون عادي لأني أندمج بسرعة الحمد لله
و بيكوون بيتي هو الملاذ لهم – يعني اتخيل في الاعيااد و المناسبات بييتنا زحمة و الحمد لله و الفرحة تكوون غير
غير رضى زوجي اللي راااح يعوضني عن كل شي