ارخص سياحة في دولة اوربية تفضلوا عندي وطبقوا الجدول

افضل طيران الطيران النمساوي او اي طيران انتوا تفضولنه والنزول في مطار فيينا

وبعد الوصول كل ساعه هناك القطار او الباص مباشرة الى عاصمه سلوفاكياBratislava

ومن هناك تستاجرين سيارة وتحجزون سكن الشقة ب 15-30 يورو باليوم يا بلاش (( اعرف شخص يساعدكم بكل شي بالرحلة))
والحجز السيارت من سلوفاكيا ارخص بكثير من النمسا

طبعا العاصمة Bratislava
راح تكون المدينة المحورية اللي راح تنامون فيها و تنطلقون منها الى كل مكان من هذي الاماكن الثلاث
ومن هذة المدينه طبعا بعد زيارة معالمها الرائعة راح تزورن فيينا والمدن النمساوية القريبة من الحدود السلوفاكية (( لا تنسون الحدود مفتوحه للي عنده فيزا شنغن ومافي اي مراكز حدودية)) (( راح تكفيكم 3-5 ايام

وايضا تقدرون تزورن المجر (( هنغاريا )) اللي تبعد Bratislavaالعاصمة عن الحدود المجرية بس 27 كيلوا ما اضن راح تاخذون 20 دقيقة لحد ما توصلون المجر وايضا بامكانكم زيارة قرى جنوب سلوفاكيا الرائعة ونفس الشي الحدود مفتوحه مع المجر(( يكفيكم 3 ايام))

وطبعا وهذا الاهم دام انكم في سلوفاكيا (( من اعرق مناطق اوروبا هي شمال ووسط سلوفاكيا وخصوصا اقليم مورافا المشترك مع التشيك
روووووووووعة وطبعا لازم تزورن المحميات الطبيعية والمدن القديمة)) (( وانصحكم ما تنقص من 5 ايام لانه في قمة الروعة خصوصا جبال التترا والكاربات وفي امكانكم ايضا انكم تنقلون السكن من Bratislava الى هذة المناطق خصوصا المناطق القريبة من الحدود البولندية اللي تبعد عن العاصمة بس 3 ساعت واحجزوا هناك كوخ في وسط الغابه او منتجع سياحي

وهذي وصلات عن سلوفاكيا كل وصله فيها وايد صفحات وصور

هذي صور المدن والقرى في سلوفاكيا
https://www.skyscrapercity.com/showthread.php?t=578306

هذي صور العاصمة
https://www.skyscrapercity.com/showthread.php?t=371239

صورة مدينة زيلان
https://www.skyscrapercity.com/showthread.php?t=544215

صور مدينة نترا
https://www.skyscrapercity.com/showthread.php?t=490418

صور مدينة بانسكا بيستريكا
https://www.skyscrapercity.com/showthread.php?t=423052

وطبعا من العاصمة في مدن قريبة راح اخبركم عنها
هذي توضيح للمدن القريبة من العاصمة ومسافتها والمدن هن (طبعا الحدود مفتوحة بالكامل لانهم من الاتحاد الاوربي))

Brno في التشيك وتبعد مسافه 72 ميل فقط

وهذي صور لها

مدينه Győr في المجر تبعد فقط 43 ميل من العاصمة
وهذي صورها

وفي مدينة كثيرة مثل بشتني والمدن القريبة من فيينا

يعني بتطلع رحلة موفقه جدا

النقيبة رسايل مزحومه

للرفع

احين طرشي حبوبه

بس بارتسلافا ( المجر) الناس من سنيييييييييييييين يسيرولها عشان العلاج الطبيعي .. بس بعد الاتحاد الاوروبي صارت شوي امان .. حتى سولفانيا (لوبيليانا) جريبه من النمسا ساعه وشي من كلاجينفورت وقمه في الرقي ولا مدينه في اوروبا شراتها! عراقه ومطاعم ويلسات! ورخيييصه .. بس لازم تخبرون شركة السيارات اذا مأجرين سياره انكم بتدخلون هالبلاد .. للامان بس

حبوبه انا بس ابحث عن اللي يعجبني وافكر فيه

خبريني وين بتسافرين وبحاول اساعدج