. . . . استسفار عن الحلول :(

أنا ما أحبّذ الحلول
لأنه يمشي البطن طول اليوم ويأثر على جدولج اليومي لأنج تكونين محبوسة في البيت

في شي أفضل : اللي هي الطبيخة !
تنظف البطن بدون ما تسوي اسهال

ممتازة جدا في كل الأحوال

لا فديتجْ ،
أنا عزمت ع الحلول لآني قلتْ بستخدمهْ ،
وهالفترة أنا قاعده فالبيتْ , ماعندي شغله ..

جاوبوني يزاكم الله خير ع أسئلتي ،

بس صعب تشربين الحلول وانتي تصومين لانه جسمج بيفقد الكثير من السوائل ولازم تعوضينه بس على العموم بخبرج بطريقتي اللي اسويبها الحلول طبعا انا اسويه في الفطر ولازم ما تكون عندج الدوره تيبيت مزار ايديج ورق حلول وتغسلينه وتيبين نص كمية الحلول ورد وتغسلينه وتفورين ماي وتصبينه فوق ورق الحلول والورد وتخلينه من ساعه الى ساعتين وتشخلينه وتشربينه دافي اوبارد واحسن وقت الصبح بس لا تاكلين واه سندويج اوخبز لانه بيشفط الحلول اللي شربتيه وما بيحلج عدل اسن شي شربي جاي حليب وامشي شوي لا تمين يالسه عقب ما تشربينه وانا ناويه اسويلي حلول عقب العيد عشان ينظف بطني عقب التخربيط اللي خربطه في رمضان

الله يهديج يختي ممكن تعرضين نفسج للهلاك و الموت … الحلول ممكن ينظف البطن يعني الشهر مره أو كل شهرين . .. ينظف المعده هيه نعم بس ما ينزل الدهون !! كثرة الاسهال ممكن يشيل الطبقه المخاطية اللي في المعده …. منو قال انه الدهون مخزنه في البطن ! عيل الدهون اللي في الأرداف شو بينزلهن الحلول بعد ؟