استشارة حبوب الروكتين ولا الديكوتين أفيدوني دخيلكم

السلام عليكم ورحمة الله وبركاته

خواتي قررت آخذ علاج الروكتين لأني بصراحه تعبت من بشرتي 10 سنين وأنا اتعالج من الحبوب والحمدلله بشرتي أحين وايد وايد أحسن عن قبل بس بعدها فيها حبوب وتطلعلي حبوب في كل جسمي صح انها اقل عن قبل بوايد بس بعدها موجوده وعندي وايد آثار في جسمي والله تعبت وانا وحده وايد وايد اعتني في بشرتي وفي تغذيتي بس ماشي فايده
المهم ما بطول عليكم .. هاي الحبوب معروف انها تنشف الجسم.. اللي استخدموا هاي الحبوب ابغي اعرف بنسبة كم تنشف بشرة الجسم مب الويه .. وهل تنشف فروة الراس بعد ولا لا ..

وعندي بعد استفسار .. في حبوب ثانيه يديده نفس الروكتين اسمها ديكوتين
في شو تنصحوني روكتين ولا ديكوتين واللي مجربين الديكوتين يريت يفيدوني هل فادتهم هالحبوب او لا وشو اعراضها

دخيلكم ردوا علي تعبت من جسمي وايد وابا اعالجه قبل نهاية هاي السنة ولأني هالاسبوع بسير عند دكتورة سميحه عشان توصفلي اياهن

وعليكم السلام والرحمه

انا توني من شهر وشوي مخلصه كورس الرواكتن

احلى شي انه يجفف فروة الشعر <– شعري دههههني )=

بس الحين للأسف رد مثل اول ..

والجسم يجف ، ولازم ترطبينه دوووم خصوصاً اذا جسمج اصلا جاف

الاحسن تتركين القرار لدكتوره اذا حالتج تبغي هالدوا او لا
اذا وصفت لج اياه بتكتب لج على مرطبات للوجه والجسم

هلا الغاليه

الروكتان والديكوتان وفي بعد تريتان

كلها نفس الشي لانها تحتوي على ماده isotretinion ونسبه عاليه من الفيتامين أوهي المواد الفعاله في علاج حب الشباب

مشكورين حبايبي بس بعد ما قلتولي آخذه او لا لانه الدكتورة كانت قايلتلي أني احتاجه وشو أحسن روكتين ولا ديكتين وشو تريتان خبروني عنه

هلا حبيبتي ,,اولا الروكتين هذا على جرعات لان اختي كانت تعالج عندهم ومب اي حد ياخذ روكتين الا اللي ويووههم وايد اوفر بالحبووب,,وحاسبي عالجرعات اللي تعطيج اياهاا,,ماتكون جرعه قويه عليج وتتعبين ,,,ومن اعراضه اللي جفته جفاف اطراف الشفايف,,تقشر الويه ,,نزول الدم من الخشم,,مثل ماقالو عن فروة الراس

ان شاء الله البنات يفيدونج بس الدكتوره ادرى بمصلحته لانه كل وحده تختلف عن الثانيه والله يوفقج