ممكن حد يخبرني او سار جزيرة صير بني ياس شو رايكم فيها هل تصلح حق العوائل وكيف أسيرلها سمعت بالطيارة وكم أسعار التذاكر واسعار الفنادق وكم تكلف لليوم واحد وهل يوجد مطاعممختلفة وشو الموجود فيها غير الرحلات السفاري
ولكم جزيل الشكر
ها الي اعرفه فديتج
ردي متأخر و لكن اتمنى اني افيدج
انا زرت الجزيره اكثر عن 3 مرات و كل مره استمتع فيها اكثر من المره اللي قبلها
مع انها صغيره و مافيها وايد اشياء
فيها 3 فنادق
الفندق الرئيسي ( منتجع جزر الصحراء )
فندق ( اليم ) تابع له بس هو عباره عن فلل صغيره عالبحر مع مسبح خاص
فندق ( السهيل ) بعد عباره عن فلل صغار و لكن داخل الصحرا
المكان جميل حق استجمام يكون هااادي جدا
طبعا مافي مولات و هالسوالف
اللهم هالفنادق الثلاثه و كل فندق فيه مطعم و مسبح و هالسوالف
وفي دكان صغير فالفندق الرئيسي
في فعاليات وايده تنظمها ادارة الفندق لو تدخلين فندقهم بتجوفينهم
مثل رحلة السفاري + الكاياك + الفروسيه + الرمايه + ركوب الدراجات
وغيرها وااايد
ترومين تسيرين بالسياره ( ساعتين و نص من بوظبي )
وترومين بالطياره من مطار دبي و مطر العين بس تككلفتها احيانا تكون عاليه
على حسب الموسم و على حسب الكراسي المتبقيه
و بالنسبه لاسعار الغرف بعد مب ثابته
ساعات تحصلين بـ 1000 و ساعات ب 2024 و ساعات 3000 و ساعات ب 10000
يعني على حسب بعد انتي و حضج و الفتره اللي بتسيرين فيها
تنفع لمدة يومين لا اكثر
(=