خواتي في الله
أريد اسألكم .. أنا عندي تكيس في المبايض و دورتي مب منتظمة يعني تقريبا كل أربعة أشهر أو خمس تنزل الدورة .. و رحت اتعالج فصرت أنزلها بالحبوب
المهم
أنا الحين متزوجة و آخذ إبر عشان الحمل .. هالشهر اهي الإبرة الثالثة لي أخذتها و أخذت إبرة التفجير اللي كانت بتاريخ 30-4-2017 يعني صار لي الحين من خذيتها لليوم 15 يوم و الدورة بعدها ما نزلت .. ومن يومين تقريبا عندي آلام بالظهر مثل آلام الدورة لكن تجيني كل ما أوقف وايد أو أمشي مسافة طويلة و ما أرتاح إلا إذا نمت على السرير
و القصة الثانية .. أنا ما تنزل عندي الدورة إلا بحبوب (ديفاستون) و أنا هالشهر ما أخذتها منها و لا حبة
فهل الحين تأخر الدورة لليوم يدل على احتمال للحمل أو إن يمكن لأني ما أخذت الحبوب ؟!
" لحد يقولي سيري افحصي ، لأني أنا في سكن الجامعة و ريلي مشغول وايد هالأسبوع فما أقدر أسوي الفحص إلا لين أنزل البيت يوم الخميس "
و الله فرحتيني وااااايد
الله يجزيج كل الخير
و الديفستون كم حبة لكم يوم ؟؟
الابر الي تقولين اخذتيها هذي ثالث مرة.. مالت شو؟؟؟ مالت التفجيرو لا شي ثاني للتكيس بعد؟ و شو اسمها
يا ترى خذتي بروجلتون لتنظيم الدورة شي؟
فيديني لأني نفس سالفتج
متفاهيم عالخاص 
و مشكورة على المشاركة
و صج أختي ( شموع الليل ) حملتي بعدها أو لا ؟!
اختي (LuLeTa) الله يجزيج كل الخير على الدعاء .. و الله يجيب اللي فيه الخير .. و إن شاء الله ببشرج لو طلعت حامل
