اليوم يبت لكم طريقة الدياي البخاري بناء على طلب العديد من العضوات 
ونا خذتها من كتاب منال العالم
المقادير (انا اسوي لشخصين ) :
1 ونص كوب ارز بسمتي
قطعتين دياي فخذ كامل
1 بصل احمر حجم متوسط مقطع شرايح
1 ونص ملعقة صغيرة ملح
نص ملعقة صغيرة فلفل اسود
1 حبة متوسطة جزرة مبشورة
1 ملعقة كبيرة كمون مطحون
نص كوب زبيب (انا ماحبه عشان جي ماستخدمته )
للتزيين ( لوز مقلي , صنوبر مقلي , كاجو مقلي ) ماحطيتهم لاني كنت مستعيلة
الطريقة :
نغسل الارز وننقعه بماي مع ملعقة ملح (انا انقعه لساعات لاني اجهزة قبل مانام بالليل او قريب الفير) ومو مشكلة لو نص ساعة
بعد مانغسل الدياي نفركة بطحين وشوية ملح,
نحضر جدر عميق متوسط الحجم للدياي , نضيف زيت كمية متوسطة ونترية يسخن شوي . نضيف عقبها الدياي , نقلبها ونحمرها وعقب نطلعها من على النار ونحطها بصحن نخليه على جنب.
نضيف البصل للزيت ونقلبه لين يصير لونه ذهبي , نرجع الدياي فوق البصل ونضيف كمية من المااي نغطي فيه كل الدياي , انا احط تقريبا 5 اكواب لان يتبخر فلازم تكون عندج كمية عشان تطبخين فيها الارز, نضيف الملح والفلفل ,نخليه على نار متوسطة لين الدياي ينضج , تقريبا 25 دقيقة
نطلع الدياي من المرق ماله ,
نصفي الارز من الماي اللي نقعناه فيه ,ناخذ جدر كبير للارز, انا استخدم كوب ونص ارز مع 3 اكواب مرق الدياي عشان ينطبخ الارز , نظيف الجزر للارز والكمون ونحركهم شوي
غطي القدر بالقصدير بعدين حطي الغطا ماله ,انا اخليه ربع ساعة بالضبط ويستوي الارز (طبعا هالطريقة ماشخل فيها الارز على طول للتقديم) , بعد 10 دقايق رجعي الدياي بالجدر فوق العيش وضيفي الزبيب(بعد ماتغسلينه عدل) وسكريه بالقصدير والغطا واتريي عليه 5 دقايق وبيكون خلص
بعد ماتحطينه بصحون التقديم حطي الصنوبر والكاجو واللوز بالصحن
وبالهنا والشفا
