بنات بنتي عمرها 3 شهور وضربها اسهال والحين طفح جلدي
اول يومين حطيت فازلين زاد عليها الاحمرار وخلاف استعملت موستيلا بس بعد ماشي فايده
شو الحل ؟. تعبت وايد تصيح من للحرقه
اهم شي وقفي الإسهال أعطيها حليب صناعي اسمه نوفلاك للإسهال من الصيدلية خلصي وياها علبة كامله وبيعيبها لان طعمه حلو ويعوض عن الجفاف الي يسويه الإسهال ويحتوي هال حليب على موز وتفاح وريحته حلوة
بالنسبة الطفح اغسلي المكان كل بين فترة والثانية بدلي لها البامبرز وهي نائمة على ظهرها افرشي لها هذا الفراش وبدون لا تصكين البامبرز عليها هاتي فوطد وفيها ماي وأعصريه عليها عشان ينظفها بدون لا يلمسها وعقب نشفي خفيف بالتربيت بمنديل ناعم وبديل الي تحتها وتمي على هالشي وأحسن شي كريم سودو حطي منه طبقة ثقيلة على كامل المكان ول مرة تبديل ردي حطي منه بس تحملي تفركين بس لمس بسيط وربي يعافيها لج
جربي ميبو او بيبناثين ..صح الفازلين طبقه عازلة وزين بس يسود
ولازم تبدلون لها الحفاضه اول ماتوصخ ..واسهال يمكن بسبب التطعيم مال بعد شهرين .اول شي تاكدي شو سبب الاسهال
واذا انتي تعطينها حليب صناعي سالي الدكتور في حليب خاص للاسهال مثل ماقالت الاخت نوفلاك او الخالي من اللكتوز
واذا ترضعينها بس طبيعي يمكن اكلج هو السبب ابتعدي عن البهارات
والله يعافيها
سبب الاسهال المضاد الحيوي لان عندها التهاب في الرئه وحساسية و كحه
ارضعها طبيعي و حليب صناعي ( هيب ) وسالت الدكتور قالي لاتغيرين الحليب لان مافي منه حق الاسهال .
جربت الفازلين مخلوط بالنشا بس بعد مأشوف خف الاحمرار
بالنسبه للتبديل ابدل كل ١٠ دقايق وخليها تهوي
شو اسوي ؟!!
اشتريتله وفعلا وقف الاسهال واختفى الطفح الجلدي
ولما خلصت جوطي الحليب جربت ااكله روب والحمدلله مارجعله الاسهال ولا الطفح يعني الحليب عالجه بفضل الله والحين ارضعه حليب عادي
ولو بحثتي ف جوجل بتلقين شرح للحاله والعلاج
جففيها عدل وعقب حطي لها كريم سودو وعليه بودرة جونسون بالكاااااااامل
ولبسيها البامبرز .. بس بدليلها كل مره لا تخلينها جي وجيكي عليها لان البراز يسبب الطفح اكثر
اول باول بدي لها حتى فالايام العاديه
