البيبي في الثامن ساعدوني

احس بحركت البيبي خفت واحس بشي مثل النبض مرات ومرات بشي يتحرك جنه حنيش يزحف وايد اخاف كل الي اسالهم يقولون هذالشي طبيعي بس انا اشتقت حق ترفيساته في بطني ماشالله عليه فديته

عشان تتاكدي انه بخير سيري عند الدكتوره خليها تسويلج سونار

شي طبيعي الغالية …

لان كل ماكبر الجنين كل كاقلت حركته … لان المكان ضاااااق عليه …

لا تحاتين وان شاء الله خير ..

والله يسهل عليج ياربي ..

عادي فديتج

أنا توني داخلة التاسع وحركة البيبي تغيرت وهذا طبيعي لأنه كبر

والنبض هذا على قولة دكتورتي ( دي الزقوطة ) أونه بو شهاق

ضحكت ضحك وقلت الحمد لله على الأقل بالحركة و بوالشهاق تعرفين أنه بخير

الله يقومج و يقوم كل حامل بالسلامة ان شاء الله

ويه يعني في حد شراتي انا بعد اسبوع بدش الثامن المشكله هالدق انا وايد اسمعه ما ادري شو ها بس ما اظن انها حازوقه لاني عديتهم كانوا تقديبا اكثر من ٧٠ دقه ما اعتقد .. ثاني شي انا احس شرات الرعشه داخل يعني شي ينتفض داخل بطني ههههههه ومرات رفس .. موعدي يوم السبت بسير اشوف شو سالفتها بنوتي ان شاء الله خير وصايره وايد تتيبس علي …الله يحفظها من كل شر
ان شاء الله خير حبيبتي ..

حبوبة طبيعي هذا لأن البيبي ماعنده مكان،،
انا بعد جي أحس،، والدكتورة قالت عادي،،
المهم انج تحسين بحركة البيبي،،