سلام عليكم يا امهات
مساء الخير
ارجوكم يا امهات ساعدوني احسني وايد خايفة على بنتي و احسني يمكن غلط في وايد اشياء في حقها ما ادري و الله احسني فيني صياح و بنتي عمرها سنة و سبع شهور لين الحين ما تمشي و لا تحاول تمشي و كل ما امسكها من ايدها امشيها تتم تصيح و يبت لها مشاية ما طايعة تيلس فيها و شو اسوي كل اللي حولين يقولون وديها المستشفي البنت مو طبيعية المفروض تمشي تصدقون طول الوقت تطالع كراميش وايد تشرب حليب ما شاء الله عليها و تحب تاكل الحلويات ما تحب الاكل الرئيسي وزنها فوق الطبيعي الله يحفها ساعدوني شو اسوي طمنوني
مشكورات
مساء الخير
ارجوكم يا امهات ساعدوني احسني وايد خايفة على بنتي و احسني يمكن غلط في وايد اشياء في حقها ما ادري و الله احسني فيني صياح و بنتي عمرها سنة و سبع شهور لين الحين ما تمشي و لا تحاول تمشي و كل ما امسكها من ايدها امشيها تتم تصيح و يبت لها مشاية ما طايعة تيلس فيها و شو اسوي كل اللي حولين يقولون وديها المستشفي البنت مو طبيعية المفروض تمشي تصدقون طول الوقت تطالع كراميش وايد تشرب حليب ما شاء الله عليها و تحب تاكل الحلويات ما تحب الاكل الرئيسي وزنها فوق الطبيعي الله يحفها ساعدوني شو اسوي طمنوني
مشكورات
حبيبتي يمكن من وزنهااا … خففي الحلويات عنها … وعطيييها شي رئيسي بمقداار …
اذكر بنت اخوي جي .. تأخرت فالمشي وبسبب وزنها ماشاء الله …
وروحي انتي وديها المستشفى يمكن عندها نقص حديد لا سمح الله ..
لان ولدي كان شهوووور جريب السنه ومايحبي كله قاعد .. رحت المستشفى قالولي عنده نقص حديد ..
ومن عطيته الحديد ماشاء الله تبارك الرحمن كمل السنه وشهرين مشى الحمد الله …
اذكر بنت اخوي جي .. تأخرت فالمشي وبسبب وزنها ماشاء الله …
وروحي انتي وديها المستشفى يمكن عندها نقص حديد لا سمح الله ..
لان ولدي كان شهوووور جريب السنه ومايحبي كله قاعد .. رحت المستشفى قالولي عنده نقص حديد ..
ومن عطيته الحديد ماشاء الله تبارك الرحمن كمل السنه وشهرين مشى الحمد الله …
ماتشوووف شر بنتج .. روحي وتطمني عليها …
سنه وسبع شهوووور ؟ اختي شو تتريين؟ وديها عند طبيب اطفال خليه يجيك ويطمنج
انا في بنيتي وهي عمرها خمس شهووور كنت اقعدها في اليلاسه لين تعودت فديتها … وماشاءالله لين سنه مشت
اختي لا تتروعين ان شاء الله خير .. بس بنتج قريب السنتين؟ وهني السؤال لين الحين ما حاولت تمشي؟؟؟ وديها الدختر واطمني عليها وطمني قلبج
وعن الحلويات … لا اتعودينها يا الغاليه تراج بتتعبين
من وهي صغيره علميها على الاكل الصحي والحلويات في اوقات معينه ومب دوووم
حبيبتي شي يهال يتاخرون بالمشي
ولد عمتي كمل سنه ونص داش عالسابع ومشى الحمدلله
وولدي احينه كمل سنه وشهر وما يمشي بس يوقف يصلب عمره
ما شاء الله ..
بس اخذيها المستشفى واطمني ..
يمكن يكون فيها نقص كالسيوم او شي ..
وربي يطمن قلبج عليها يارب
ولد عمتي كمل سنه ونص داش عالسابع ومشى الحمدلله
وولدي احينه كمل سنه وشهر وما يمشي بس يوقف يصلب عمره
ما شاء الله ..
بس اخذيها المستشفى واطمني ..
يمكن يكون فيها نقص كالسيوم او شي ..
وربي يطمن قلبج عليها يارب
وديها عند دكتور اطفال
محد بيقدر يعرف سبب تاخر المشي عندها فالمنتدى
محد بيقدر يعرف سبب تاخر المشي عندها فالمنتدى
وديها عند دكتور اطفال لا تترين اكثر
الله يوفقج
