كيف الحال بنات ان شاء الله تكونن بخير
كل يوم نسمع عن خلطات وأشياء تستخدم للجسم: خلطة تبييض وخلطة تنعيم وخلطة للشعر وخلطة لـ ما ادري شو….الخ
المشكلة اللي بتكلم فيها هي إنه نحن نجرب كل شي وما نعرف مثلا شو اضرار ونوافع هالشي نيي مثلا ونحط موضوع عن خلطات تبييض وتنظيف وبداية الموضوع محلاها من غير العنوان
تحسسج إنه صدق اللي نزلته هي اللي مجربة الخلطات وآخر شي ننصدم بكلمة منقول!
خواتي أنا خاطري اللي تكتب عن خلطة تكون هي مجربتنها صدق مب تجربة وحدة ثانية صدقوني والله مب زين تنقلون أي شي وكل وحدة تستخدمه بدون ما تعرف أضراره
كل شي سواء طبيعي ولا صناعي له أضرار غير الفوايد فلا تنقلن شي ما تعرفن شو نتيجته لو انتي جربتيه ونفعج صدق حطيه حقنا
تقديري لكن
يريت الي بينزلو مواضيع تكون مجربة و مضمونة مش منقولة
وتكون كل وحده مجربه تخبرنا مب تكتم الشي لنفسها
وصدق اللي تكون مجربة شي ونفعها تخبرنا به
أما النقل سمحوا لي مب مضمون 100%
عيوبها : كنت أعاني من حب الشباب زمان و اتعالجت بالروكتان و صار لي سنتين على ما وقفت و بعدين أخذت 3 جلسات MicroDerm Abrasion بسبب الآثار البسيطه
أقنعه فادتي جدا و أنصح الكل يجربها و يدعي لي من قلبه ان شاء الله
1- قناع البطاطس ( شد البشره -تنظيفها- يعطيها رونق)
نحتاج حبة بطاطس صغيره مسلوقه (بنستخدم أقل من الربع و باقي الحبة نغلفها ونخبيها بالثلاجة لليوم الثاني )
– شويه عسل أصلي
-م ص روب
-3 م ك حليب
نحط كل المكونات في الخلاط الصغير (المستعمل للبهارات ) و يصير معانا خليط يشبه البيوريه بس على أخف يعني بشكل يسمح لنا بوضع على الوجه و الرقبه و ما يكون فيه تكتلات أو حبيبات
نخليه لين ما ينشف و بعدين نغسل
أفضل وقت تسويه قبل النوم و تغسليه قبل ما تنامين ,النتيجه تظهر ثاني يوم ا لصبح يوم تنشين تحسين في فرق وتحسن ملحوظ في البشره.
أتمنى اللي تجرب القناع تخبرنا بالنتيجه …
يتبع ……
