ولتسمحوا لي سأبدأ بسرد مواقف حقيقه من المنتدى .. مع استخدام نك نيمات وهميه حتى تتضح الفكره اكثر ويعي الجميع ما وددت قوله اليوم ، علما انني منذ مده فكرت مليا في كتابة المواقف ، ولم اشأ الا بعد ان اصبح الامر غير محتملا ..
الخاص بحر .. فيه تنكشف وجوه كثيره .. وانا شخصياا اعتبره دنيا مصغره لأرض الله الواسعه
الوقف الاول :
رساله خاصه تصل لي من موج مضمونها كالتالي
موج : ام منصور بغيتج ماتكتبين اشياءج الخاصه ع المنتدى وانتي داشه
بأسمج مب نك نيم وانا قصدت فعل الخير اختج ماختك في الله .. موج
ام منصور : بس انا ياموج كاتبه مواضيعي تحت تأثير الحاله النفسيه يعني
كنت امر بظروف صعبه خلتني اكتب ، وعقب فرحتي ايضا بتطور اوضاع
حياتي ، ايضا كتبت تحت تاثير الحاله النفسيه وساره مب اسمي ف خلي
اللي مكتوب مكتوب ماعتقد اضيف عليه شي لانه مشكلتي انحلت ووصلت
للدعم اللي اباه من خلال كتابتي وحققت كل اللي تمنيته .. شكرا ع الاهتمام
طال النقاش تحاول اقناعي ولم اقتنع وللاسف يبدأ الوجه الاخر لموج .. فاعلة الخير
موج : ليش معصبه ليش معصبه حبيتي تتقبلين مرحبابج ماحبيتي محد ضربج ع ايدج
عشان اتنفذين خير تفعل شر تلقى ندمت اني طرشت لج
ام منصور : هل تعتقدين ان فاعلة الخير تتكلم بهذه الطريقه دون ان تتحمل
وتصبر حتى تصل بالفكره المطلوبه وتقنع الطرف الاخر محتسبه الاجر من الله
موج :والله انا فاعلة خير غصبا عنج صدقتي اهلا وسهلا ماصدقتي بدعي عليج
لانج ظلمتيني وحسيتج عصبتي والله كيفج سوي اللي بتسوينه ماحفلتج
ام منصور : لاتعليق
يمكن يكون غرضها الخير ولكنها اخطأت في استخدام الالفاظ .. ولكن عمر الخير ماكان بالقوه
الموقف الثاني :
غلا تنصح شوق عن موضوع طرحته شوق وشوق لم تقتنع وتحب
ان تفعل ماتريد بلاقيود ولا حدود فلم يتوصلن الى حل وسط
شوق : سامحيني غلا وصلتني رسالتج بس انا مقتنعه فاللي اكتبه السموحه منج
غلا : جربي تسوين اللي قلته لج ، وماتندمين
شوق : غلا قلتلج انا مرتاحه جيه ومشكوره
غلا : واذا قلت لج كله جديم ومكرر واحنا فالكوليج نضحك عليج شوه بتقولين ههههه
تحولت فاعلة الخير .. الى مستهزئه بالغير ..
الموقف الثالث :
ام منصور في احد المواضيع :
اليوم بسير كارفور ع المغرب لانه منصور متضايج ايده مكسوره
وحابين ناخذ له العاب ، وذهبنا
فتاه عند محل الالعاب تنظر الي وتطيل النظر ..
انا : منصور ناصر فطوم اختار اللي تبوون
شجن : السلام عليكم يعني انتي ام منصور
ام منصور : عليكم السلام امري الغاليه فيه شي
شجن : انتي ام منصور ؟ فكرتج تكذبين يوم قلتي بسير كارفور
ام منصور :وليش اكذب ؟ انتي م المنتدى بس انتي منوه
شجن : هيه باختصار شفتج كاتبه انج يايه كارفور اليوم وتوقعت
انج بتين هالفرع ، وتعرفين كيف عرفتج شفت عيالج توأم ، وشفت
الجيبس فيد منصور مايشوف شر ، وشفت انه عندج ياهل عمره
فالاشهر عرفت انه هذا محمد وشفت البنت قلت اكيد الحلوه فطامي
ام منصور : اهاه اهلا وسهلا .. منو من العضوات انتي ماشاء الله؟
شجن : بخبرج ع الخاص اوو الصراحه من زمان خاطري اسلم عليج
، من زمان خاطري اشوفج للاسف طلعتي تتنقبين ماشفنا ويهج
ام منصور : صعب تشوفين ويهي تامرين بشي
شجن : سلامتج بس عيونج حلوه
ام منصور : الله يحلي ايامج يالله سمحيلي
تعمدت الحديث عن الموقف في احد المواضيع وعن انني لم اتقبل الموقف وكان بأمكانها
ان تطلب مقابلتي هناك قبل ان اذهب ومن يدري لربما قبلن ف سجلت نك نيم جديد
توقعت انج بتسوين هالشي وبتكتبين عني ، انا بغيت اثبت لج انج لازم ماتقولين
فالمنتدى وين سايره صدق الدنيا مافيها خير .. هذي يزاتي ابا لج الخير ؟؟
ماتوقعتج بتلدغين من تحت ، كنت افكرج انسانه طيبه و على نياتها طلعتي العكس
ام منصور : كان بأمكاج تقولينها ع الخاص مباشرة او تستأذنين للقائي
وتخبريني في لقاءنا عن اللي تبينه مب افضل؟
شجن : ع العموم مشكوره انج تكلمتي عني ، ولو كنت اعرف انج تلدغين
من تحت ماكنت نصحتج اصلا حسبي الله ونعم الوكيل فيج و في اللي خبرتيهن
عني ومادامج بهالاسلوب ماعتقد اخبرج نكي القبلي .
اصابت الفكره ولكنها اخطأت التصرف
الموقف الثالث :
هدى وفاطمه وعبير حاولن الوصول الى ندى خارج نطاق الموقع ، و وجدن كل الطرق مقفله ومسدوده ، ف بدأن في استخدام حيل للوصول وأخذن طرق ملتويه واساليب غريبه ، عن طريق استخدام اشخاص لهم علاقه ب ندى لم يستطعن ان ينلن مايريدن وحين قررت ندى ان تلجئ للحل القانوني في حال اي مشكله او وصول احداهن بطريقه غير مقبوله ، وحين تمت مواجهة احداهن ،
قالت : ماكنت ابا اوصل لندى بس كنت ابا اثبت انه اي حد يروم يوصل لندى !!
لاني نصحتها وماطاعت تنتصح !!
الف علامة تعجب ، هل اصبح الخير بالحيله؟!
الخير له وجه اخر .. الخير له اسلوب وله مداخل ممكن ان يستخدمها الشخص في اقناع الطرف الاخر
اول هذه الطرق محاولة الوصول الى قلب الطرف الاخر وكسبه و الثناء عليه .. واستخدام اساليب عذبه
ثم الدخول في لب الموضوع بأستخدام طرق مشروعه ، باللين لا بالقوه ، بالترغيب والتحبيب لا بالتنفير
(ولو كنت فظآ غليظ القلب لانفضوا من حولك)
ليس العيب ان تكوني ناصحة انما العيب ، ان تفقدي صبرك في نصف الطريق ، فيتحول وجهك ويسقط
قناع الخير ، فتفقدي مصداقيتك حتى ولو كنت حسنة النوايا حينها هيهات ان تكوني صادقه في
نظر الغير
دمتن بخير
اسأل الله ان يهدي النفوس وان يرحم حالنا ويرزقنا حسن العمل
فكلنا مقصرين وذو خطأ وخير الخطائين التوابوون_
هذا منتدى عادي حاله حال أي منتدى ثاني
وشو سااااالفة هالأمووور اللي تصيييير … الله أعلم
بس قويه الصرااااااااااحه انها اترووووح كارفووور بس عسب اتشوووووف شكل أم منصوووور الله يهديييه هاي إنسانه فاضيه
هذي الحياه . . ^_^
عمره ماكاان النصح بالغصب و بالقووه..
أنا وااجهت كذا نصيحه بنفس الاسلوب بس مب من المنتدى..
يعني ينصحون جنهم شوي و بياكلونج..!
ولو محد لب منهم بيظاربونج..
وعن انه وحده تكتب انها بتسير المكان الفلاني..
وايد سمعت بنات يكتبون بروح المكان الفلاني وتتفاجأ انه وحده من العضوات هناك.!!
بصرااحه المفرووض ما نكتب كل شي يصير ويانا..
خاااااااااااااااصة المشاكل الزوجيه..اعتقد لو الريال يدري انه حرمته كاتبه مشاكلهم ع المنتدى..
ماااظن يسكت.!!
ومشكووووره الغلاا ع الموضووع..
وربي يرزقج من خيره و حلاله و ربي يحفظج لج عيالج..
وبتشوفين وااااايد مدامج عايشه فهالدنيا العجيبه….
بس الله يكون بعونج….
حريم من العاايله وخوات وماا راقبنااهن00ياارحرماات دعوا الخلق للخاالق عندج كلمه خير
واجرج على الله ولا تزيدين وتعيدين فيهااا00يعني راايج قلتيه وسويتي الي عليج
مب لازم النااس يقتنعوون غصب00واختلاف الرااي واارد 0
مااعليج حبوبة مااجهتي ورااح توااجهين هالاشكاال واايد والله الهاادي
المهم ان المنتدى عاالم كبير فيه الزين والشين والاهم انج ما تتأثرين سلبااا بالشين ^_^
والله يهدي النفوس 00ويهديناا لماا يحب ويرضى عنوووني
