الريال يبا يطلق شو الحل

السلام عليكم ورحمة الله وبركاته

الموضوع يخص واحد من الاهل
اخوه تم يزن على راسه عشان يخطب اخت ربيعه طرش خواته وامه عشان يشوفون البنت تمن يمدحون اخلاقها و تدينها طلب النظرة الشرعيه ابوها رفض ويوم الملجة انصدم بشكلها وطولها وانها موووول ماتناسبه و واااايد متينه قال مب مشكله اهم شي التدين تم يكلمها شهرين مول ماقدر يتقبلها وحس انها انسانه غير رزينه يعني مب صاحية وكل تفكيرها عن العين والحسد والعمل والامراض النفسيه

المهم صارح البنت بس مااا قالها عن السبب الرئيسي قالها انا مب مرتااح معاج ولازم ننفصل
وفعلا هو مب مرتاح ودووم يفكر في هالموضوع لدرجة اني انا شكيت ان عنده سوالف بنات بس هو اكد لي انه مووول ماعنده وهو فعلا انسان عارف ربه زين

المهم من 8 شهور وهو يقنع بالبنت انه يودرون بعض بس هيه تصيح وتقوله محد بيخطبني عقب

هو اتصل على اكثر من مستشار اسري والكل ينصحه بالانفصال لانه حالته فعلا بدت تدهور وللعلم هو سار لاكثر من مطوع بس ماشي فايده
وكلم الارشارد الاسري و وداد لوتاه ونفس الكلام

اللحين قلت بحط مشكلته هني وبشو تنصحونه

بس حبيت انوه
الريال قمه في الاخلاق ومب مال سوالف بنات
حاول يتفاهم معاها انها هي اللي تبادر وترفضه
مايكلمها اللحين موووليه عشان ماتتعلق فيه
البنت كبيرة في السن مب صغيره
البنت تقوله بتظلمني وبتظلم اهلي

اشوف الحق على اهل البنت لازم شافها قبل ما يخطبها
وهو المفروض ما قبل كمان الا لما شافها

انا برأيي الانفصال الان افضل من بعد الزواج

يطلق دامه ريال
والعتب ع ابوها

هو مب قادر يخطو خطوه للطلاق
لان البنت طرش له ساعات مسجات تقول انه بيظلمها وانها مابتسامحه وقامت تتصل باهله وهم كلهم عارفين وضع ولدهم لدرجة شكو ان حد مسوي له عمل

هو متردد

اختي ينفصل عنها يكون احسن اذا الحالة جي

هو مب متحمل وهي الله كريم بيجيها نصيب احسن

وثاني شي هو غلطااااان كيف مااصر انه يشوفها قبل الملكة ماشك انه في شي

بس يدخل عليها وبعدين يطلقها مب زين

والعتب على اهلها واهله جي هو ماعنده ام تشوف البنت واخلاقها كيف وتخبره على الاقل

وكيف مايشوفها شو هي؟

الافضل انه يستخير وخلو البنت تستخير بعد ويخبر اهله انه مب مرتاح والزواج مب غصب وبخصوص البنت محد بيظلم حد تراه كل شي نصيب لو مكتوب له الطلاق تراه مكتوب من قبل لا ينولد وقبل لا يعرس