اكيد كل وحدة منكن تعرف كيف مشاغل الحياة هالايام.. وخصوصا بين الزوجين اللي نادر ما يجتمعون الا على اشياء محددة كالاكل وغيرها..
اليوم بعطيج جدول تطبيعينه وتعلقينه في غرفة نومج ويكون تنافس بينج وبين ريلج
الجدول فيه ايام الاسبوع والاعمال اللي تسوونها..
سبحان الله بتحسين حياتج اتغيرت واحلوت طبعا كله في طاعة الله وعبادته اللي نحن مقصرين فيها
هذا لنك الجدول كصورة
https://www.7ammil.com/index.php/file…fc465798c96a4b
وهاي نسخة ببرنامج الوورد
https://www.4shared.com/file/qslY2U5N/_2_online.html
وهني نسخة ملف pdf
( رايت كليك وحفظ باسم)
https://www.7ammil.com/index.php/file…0e?do=download
طبعا اللون الوردي لج والازرق لريلج.. الشي اللي سويتيه تحطين اشارة (صح) واللي ماسويتيه ( _ )
والله يجمع بينكم على طاعته ويحلي أيامكم يارب
الحين للحلوات اللي مب متزوجات:
تقدرين تستخدمين الجدول اللي فوق اذا تبين تتنافسين مع ختج في غرفتج او زميلتج في السكن.. أما اذا كنتي بروحج.. صممتلج جدول في خانة وحدة مب هنتين
رابط الصورة
https://www.7ammil.com/index.php/file…b88f976546caab
نسخة الوورد
https://www.4shared.com/file/p-eCqnuo/__online.html
نسخة pdf
https://www.7ammil.com/index.php/file…6e?do=download
بس انا ريلي دوامه ما يساعد يلتزم معايه فالجدول .. فبنسوي يوم بيكوون موجووود مع ان الحمدلله مايقصر فالعبادات ماشالله
تسلمييييييييييين
حبيبتي في ميزان حسناتج وفعلا الصلاه والاذكار رآآحة بآآل
المشاركة الأصلية كتبت بواسطة حرم الكتبي ™ 
بس انا ريلي دوامه ما يساعد يلتزم معايه فالجدول .. فبنسوي يوم بيكوون موجووود مع ان الحمدلله مايقصر فالعبادات ماشالله
تسلمييييييييييين
حبيبتي في ميزان حسناتج وفعلا الصلاه والاذكار رآآحة بآآل
قصدج انه يداوم في إمارة ثانية واييج في الويكند؟؟!
عادي عطيه كل اسبوع ورقة يحلها وجيكي عليها فالويكند
أما إذا قصدج مشغول بداومه..
عندكم طول اليوم كل واحد ع راحته متى يسوي هالاشيا
أنا ماقصد لازم مع بعض اطبقون هالاشيا
وفليل قبل الرقاد حطو العلامات مع بعض.
الله يسعدكم يارب.
هاتي حصالة وخليها للصدقة وحطي فيها كل يوم لو درهم بس او المبلغ لي تبينه.. وريلج بعد يحط فيها
وطلعو المبلغ اخر السبوع او اخر الشهر
بس انا حطيت اهم الاشيا اللي ابا اسويها يوميا
مثلا التسبيحات :
عَنْ أَنَسٍ رَضِيَ اللَّهُ عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ مَرَّ بِشَجَرَةٍ يَابِسَةِ الْوَرَقِ فَضَرَبَهَا بِعَصَاهُ فَتَنَاثَرَ الْوَرَقُ فَقَالَ: "إِنَّ الْحَمْدُ لِلَّهِ وَسُبْحَانَ اللَّهِ وَلَا إِلَهَ إِلَّا اللَّهُ وَاللَّهُ أَكْبَرُ لَتُسَاقِطُ مِنْ ذُنُوبِ الْعَبْدِ كَمَا تَسَاقَطَ وَرَقُ هَذِهِ الشَّجَرَةِ". أخرجه الترمذى (5/544 ، رقم 3533) ، وحسَّنه الألباني في "التعليق الرغيب" (2 / 249).
فتخيلي انتي طول اليوم تقولينها وتتساقط ذنوبج
واكيد تعرفون فضل الصدقة
وعن الاذكار معروفة الصباحية والمسائية وقبل النوم والل تباني اييبلها تقول..
وتراها تحفظج وريلج وعيالج ومالج سبحان الله
القرآن لو تقرين صفحة في اليوم
والاستغفار والصلاة ع النبي تعرفون فضايلها وياريت اتزيدون عن 100 مرة
النوافل قد ماتقدرين
يا سنة الفجر او الضحى او المغرب او العشا او الشفع والوتر قيام الليل اللي تحبينه
اللي تبا جدول لعيالها للصلاة او اي عبادات ثانية تخبرني وفالها طيب..
