السفارة الأمريكية

حبيت استفسر عن الفيزا شو ياللي يطلبونه

up up

أول شي .. إذا كنتي تبين اتسافرين للسياحة .. أول شي خذي موعد من موقع السفارة للمقابله في دبي في الأنترنت قبل السفر بوقت .. و ادخلي الموقع لازم اتعبين نموذج فيه كافة البيانات الخاصة فيج و بعدين اطبعيه كامل مع الكود اللي اتسجل فيه لانه ما يتخزن لازم طباعة مباشرة و شليهم وياج يوم المقابلة و جهزي أوراق خاصة بالوظيفة و الراتب عشان يتـاكدون انج ترومين تصرفين على عمرج هناك – اطلبي من شغلج شهادة بالراتب و اذا عندج حساب في البنك خذي شهادة رصيد و كشف حساب من البنك و و صور شخصية خلفيتها بيضا و CV مالج و تسديد رسوم الفيزا من خلال بنك بوظبي الوطني و احتفظي بالإيصالات يباخذونها منج في السفارة .. و حجز من الفندق اللي بتسكنونه هناك ( مب شرط من أي شركة تحجز مؤقت لين ما تستقرون على المكان و عنوان الفندق لا تنسين تاخذينه لانه بتكتبينه في النموذج .. و لازم اتكونين في الموعد اللي محدد و أذا اتأخرتي راحت عليج و اعتقد انه قبل الساعة 8 :30 الصبح ايصكون الكاونتر و بعد ما تسوين المقابله بيقولون لج انه الفيزا يبالها يمكن يوم أو يومين للسياحية غالبا و بيطرشون الجواز من خلال شركة توصيل إذا بغيتي برسوم معينه بس في ناس اتطول و تاخذ شهور .. هي مجرد إجراءات و انا سويتها ما شي مشكله .. اهم شي عندهم اللي يبونه سويه و بتحصلين الفيزا ..

ان شاء الله قدرت افيدج .. دشي الموقع مالهم في دبي :

https://dubai.usconsulate.gov/dubai/gvi.html

بالتوفيق

السنه الي طافت سويت الفيزا … بس تراها اطول واااااااااايد ( موعد الفيزا الي يطول اما الفيزا طلعت خلال يومين )

تاخذين موعد من النت و تعبين الفوورم
تسيرين بنك بوظبي الوطني و تدفعين رسوم الفيزا و تشلين الايصال
شهاده الراتب و غيره
الصور خلفيتها بيضا {{ احسن شي لان احيانا يرجعون الفيزا ع اي سبب

انا وقفت هناك فالطابووووور اول مره السااعه 6 و 40 الصبح و ياا الدوور عليه السااعه 10 و قالولي والله سيري بوظبي و عندج سااااااااعه

قلتلهم ما اقدر قالوا خذي موعد ثاني .. و اقرب موعد كان بعده ب 3 شهور

ع فكره انا خذيت الموعد من شهر 1 2024 و لقيت في شهر 3 و شهر 6 كان الموعد الثاني

التاخيير في المواعيد .. زياده الناس .. و سفاره دبي ماشاء الله تستقبل الي يبون يقدمون من ايران ( يعني اي حد من ايران يبا فيزا حق امريكا .. يقدم في دبي ) .. و المقيمين و الاماراتيين .. يعني شووفي كيف الزحمه .. و ان شاء الله تلقين موعد قريب

اما لوو علاج تتصلين فييهم و هم بيخبرونج كييف

غريبه ….انا زوجي في ابوظبي ما يعاني كل هالمعاناه وماياخذ موعد بس يسير يوقف في الطابور ويقدم الاوراق وعقب يومين تخلص الفيزا والشهاده حق فيزتهم ساعات لمدة 5 سنين واكثر يعني احيانا ينتهي الجواز وياخذ جواز يديد ويستخدم الجواز الجديم اللي عليه الفيزا …بس شهور ما استوت ويانا ولامره

سفارة بوظبي فيها زحمه اقل عن دبي بوااااااااايد

و تاكدي يوم بتاخذين الموعد في اي سفارة

لان نحن نصنا سار ع بوظبي .. خلال شهر لقوا موعد و حصلوا الفيزا
بس نحن الي في دبي واايد تاخرنا

الي اعرفه انه ما يستوي تسيرين و ع طول توقفين فالطابور .. الا لسبب علاج او تجاره او زياره عمل او دراسه .. بس لازم تقولين لهم قبل ما تسيرين لان يحطون اسمج فالجدول الي عندهم … اتصلي فيهم و تاكدي

عطونا الفيزا 10 سنين