المشكله العويصه اللي كلنا نعاني منها فرق اللون بين الجسم واليدين خصوصا البنات اللي يسوقن (وانا وحده منكن )دايما ايدينا لونها غامق ومب حلو وكل يوم اللون الاسمر يزيد عن اليوم اللي قبل حتى لو لبسنا قفازات ماشي فايده
بعطيكم شوية نصايح تجربونها بتساعد على تخفيف اللون الاسمر ومع المداومه بدون كسل انشالله بيفتح اللون بشكل كبير والسموحه منكن على التصوير لانه من الموبايل
1 ..أول شي اشتري سكراب مخصوص لليدين بتحصلونه في سيفورا عباره عن نص الغرشه زيت والنص الثاني الاملاح اللي بتفرك الجلد
هذا انا استخدمه لليد والرجل لانه رهيب …مجرد اتخضين الغرشه لين ما تختلط المكونات وحطي على ايديج وافركي شويه واتركيه 10 دقايق وابدئي الفرك العدل وبضمير ولاتنسين حول الاصابع لان هاي المنطقه بسرعه تسود
وعقب ماتخلصين غسليه بماي فقط ونشفي ايديج عشان تظلين محتفظه بمفعول الزيت لاطول مده ممكنه
ملاحظه احسن شي تسوين هالعمليه في الليل وعقب تدهنين اليدين بكريم الليل من نيفيا
2 …للاستخدام اليومي استخدمي هالصابون لغسيل اليدين
في اي وقت بتغسلين ايديج استخدمي هالصابونه مفعولها رهيب لليدين (حاولت استخدمها للجسم ماقدرت لانها قويه وانا جسمي حساس لكن اللي جسمها دهني وفيه اثر حبوب بتكون ممتازه لها شرط ان جسمها مايكون جاف لانها بتتحسس لكن لليدين ممتازه ماتسبب اي مشكله)
متوفره في الجمعيات
وعقب ماتنشفين ايديج استخدمي هاللوشن …نفس ماركة الصابونه
وايد حلو لان البشره تتشربه بسرعه وريحته خفيفه ولطيفه ويبيض الجلد ويصفيه المهم تستخدمينه عقب استخدام الصابونه …متوفر في الجمعيات
نصيحه ع الاقل استخدمي الصابونه والكريم 4 مرات باليوم عشان تشوفين نتيجه بسرعه
3 …براويكم كريم رهيييييييييييب لترطيب البشره بتستغنون عن اي نوع ثاني للترطيب وخصوصا البنات اللي تعاني من جفاف اليدين ..شو رهيب ؟؟؟شو مرطب بتركيز عالي ؟؟؟شو بيخلي ايديج زبده؟؟
شي خيالي ….متوفر في لايف ستايل وسعره 49 درهم والحين بالتنزيلات ب 22 درهم
انا خذت لي منه علبتين بعد هذا سعر ممتاز لمنتج مثل هذا والله يستاهل
هاي صورة نفس المنتج بس اللي أطريه باللون الأزرق ومكتوب عليه بالجوجوبا
وطبعا هالماده تعتبر رقم 1 في الترطيب وبعدها اتي زبدة الشيا
4 …القفازات القطنيه البيضا وكل ماكانت غليظه كل ماكانت احسن ..المهم تكون قطن مب نايلون
لاتنسين تدهنين ايديج قبل ماتلبسين القفازات لان القفازات روحها مب كفايه الا اذا كانت ايديج مافيها مشاكل لكن اذا كنتي تعانين من السواد لازم تدهنينها بكريم واقي بيكون احسن
جيه خلصنا واتمنى اللي بتجرب هالاشيا انها تجربها لمدة اسبوعين بانتظام وبعدين تقارن والاحسن تخلين حد وياج في البيت يقارن وياج عشان تتاكدين من النتيجه ….
ما عندي مانع من نقل الموضوع لو حبيتن لكن بذكر المصدر لو سمحتن
ومشكوره على النصيحه
المشاركة الأصلية كتبت بواسطة انثى الحب 
ومشكوره على النصيحه
الغاليه الصابونه واللوشن متوفرين في الجمعيات واذا في ابوظبي بتحصلين هالماركه في البطين مول او سوبرماركت فاطمه
يعطيك الف عافيه
بس السكرات ها ما عرفت من وين آخذه !!!
و ان شاء الله بسير خلال هالجم يوم لايف استايل وباخذلي من هاللوشن ^^
و يعطيج العافيه على هالمجهود الطيب ^^
ماقصرتي الغالية
ماقصرتي الغالية
