الشؤون بيذبحوني ناقصه عمر

السلام عليكم ورحمة الله وبركاته …

اشحالكن يا بنات …… واسوني شوي عندي سالفه ابى ارمس وياكن فيها والسالفه أكيد يعانن منها ناس وايدين …..

أنا مشكلتي بالشؤوون رفعولي الضغط قطعوها عني لأني اتجنزت أو بالأحرى اتنيلت وعرست وعقب خلعته بعد ما عشت ثلاث سنوات تعب وصبر ومذله الحين أنا أبى راتب يعيشني حالي حال باجي البنات اللي بعمري والله راضيه ب 4000 نعمه الحمد لله لكن انا الحين اشتغل محلي براتب 2024 ((ألفين ))بس لتاريخ 5 يخلص تعرفون كل شي غالي ، قالولي الشؤون بنعطيج على هالألفين الفين وميتين ومن الوناسه كتبت تعهد إني لو اتزوجت أو حصلت شغل ثاني براتب اكثر ابلغهم <<<<<< هالسالفه من سنه ألحين وأنا أراكض لهم (((( والعين ولا شافت ، والله أحس البلاد قل خيرها وقامو يلعبون لعب بالناس والواسطات قامت تلعب دور ))) واللي يقهر بعد إني يوم أراجعهم يقولون إنتي بعدج صغيره عمرج 21 يا تعرسين أو تحصلين شغل ثاني >>>>>>>>>>>>>>>>>>>يعني بالذمه لو محصله ريال زين ومعرسه بنشد عنكم ،، واللا لو محصله براس الخيمه شغل شرات الخلق بطالع صوبكم أكثر راتب محلي براس الخيمه يوصل تقريبا 5 أو 4 ونص وبواسطه قوويـــــــــــــــــــــــــــــــــه بعد

والله ظاربتني غصه من كم يوم أتصل لهم بدبي بعد ما حصلت رقمهم بعد عناء طويل أخبرهم السالفه واني اداوم بألفين قال ليش في رواتب بألفين بهالزمن << مسكين مايدري بالحال،، عاد وطلب مني أجدد المستندات المعروفه اللي هي كالمعتاد اللي مسوتنها لهم بهالسنه كم مره وماشي فايده أحس أوراقي يفرونها بالزباله >> (( ورقة استمرارية طلاق اللي لازم أوقف بالمحكمه من صباح الله خير أذل عمري لللي يسوى واللي ما يسوى عشان أدور شهود لهالورقه ، ومن أخلصها أسير الدائره الإقتصادية والأراضي اييب ورقه إني ماعندي أراضي ولا محلات وتجاره بإسمي <<اللي يسمع عاد عمري 21 وبسوي مشاريع أنا زين أحصل أفصل عبي حقي , أطلع قرون البتاني بمحل العبي من المكاسر ….

مـــــــاهو الحل بنظركم …. ؟؟؟؟؟لا عارفه أوصل لمسؤول عوود ولا عارفه أوصل حتى للبث المباشر مال الشكاوي حشى المسج ب10 دراهم وياليت يدقون خسر بس عالفاضي …

لا تنصدمين فديتج هذي رواتبنا اللي عايشين على أمل إنها تزيد وتعبنا ورضينا بالأمر الواقع لأنا موب محصلين شغله ثانيه ، ولو على الشغل بإماره ثانيه والله ودي ,, لــكن شو أسوي دام بالبيت سياره وحده يعني معقوله أشلها وأخلي البيت بدون سياره ،، صح بعد بضحكج >>> حبيت أطلع سياره إقساط على بنك إسلامي قالو لي لازم راتبج فوق ال 3000 قلتلهم يزاكم الله خير أنا صابره على مينوني

أختي لمساتي حياتي

7
7
7
7
7

شو رايج يا ا لغالية ان مشكلتج ناقشوها في البث المباشر 00 وما لقولها اي حل 00

وانا سمعت من وحدة شراتج مسكينة كل يوم وامرمطينها وذالينها الا شهود والا اوراق واخر شي اشتغلت مندوبة في شركة براتب 3500 درهم