اللهم بلغني والمسلمين شهر رمضان بما تحبه وترضاه
اللهم يسر لنا غربتنا في هذا الشهر الكريم
خواتي الغاليات وبنات بلادي
هالسنة بقضي رمضان وعيد الفطر إذا الله عطاني عمر إن شاء الله فالغربة
في بريطانيا … بين الاجانب … بدون لا اسمع الاذان وصلاة التراويح
وما تتخيلون شكثر انا حزينة لهالشي صح انه مب أول مرة لي
بس لأن رمضان اللي طاف كان أجمل رمضان قضيته في حياتي
بين اهلي وامي وخواتي وكل اللي احبهم
والعيد آآآه يا فرحة العيد اللي كانت مبينه علينا
من 4 سنوات وانا احس انه العيد انطفت فرحته
بس عيد الفطر اللي طاف عيدت انا وعيالي عند اهلي
اول مرة من عرست اتصبح في صباح العيد واعيش لحظاته الحلوة عند خواتي وامي وابويه وخواني
بس رمضان هالمرة والعيد هالمرة غيييير
اتعب وانا افكر فيه وكل هذا لأن السنة اللي طافت كنت بين الحبايب ربي يجمعنا وياهم على خير
رمضان هالسنة بدون اهل بدون زيارات بدون اي شي
وماعندي غير قناة بوظبي ويااااااااااريت اتمنى من كل قلبي انها تنقل صلاة التراويح من الحرم المكي
بنات انا حبيت افضفض وابغي منكم تعطوني افكار كيف أستغل رمضان هنيه
مع العلم انه اغلب العوايل الخليجية مسافرين بيردون عند اهلهم في شهر رمضان
واحتمال 80% اكون وحيده مع ريلي اللي مشغول بالبروجكت النهائي اللي لازم يسلمه عقب العيد
وعيالي الصغار
انا فرحانه من ناحيه وحدة بس اني اقدر اصلي واتعبد على راحتي بدون اي التزام بحد
وخصوصا انه الامساكية تبدا من الساعة 3 الفير وأذان المغرب يكون الساعة 8 ونص تقريبا
ابا ارتب جدول لكل يوم في رمضان من اصبح الصبح لين ما ارقد فليل
واترياكم يالغوالي
الله يبلغنا رمضان سنين عديده
مثل ما قلتي هاي فرصه لج للتعبد و الذكر في رمضان
و صلاة التراويح مب شرط جماعه ترمين تصلينها بروحج او جماعه مع ريلج
والله يسهل عليج رمضان
و ايعينج على العبادة و الذكر في رمضان
وفي ميزان حسناتج
صح الغربه شي صعب .. لكن ماعليج الايام تركض وما بتحسين …
واقضي يومج بذكر والعباده ..
انا جربت هالغربه رمضانين بعيده عن اهلي بس تصدقين كل مااي رمضان اتمنى ترد هذيج الايام
اليمعه وقت الفطور مع المسلمين والعباده مثل ماقلتي يكون عندج وقت اكثر
لامسلسلات ولا يمعه سوالف وخرابيط
ماعندكم مسيد قريب تصلين فيه التراويح؟؟
الله يردج لاهلج قريب..
