بنات أنا عندي سؤال، أول شي بقلكم القصة ، أنا عمري 17 سنة و داخلة بالـ 18 ، بعدني بالثانوية و إن شا الله السنة بتكون آخر سنة لي بالمدرسة
المهم، الكل يعرف عني إني وين ما كنت أكون لي صداقات ، و لو سألتوني كم صديقة عندج صعب أعدهم، يمكن يكونو فوق الألفين صديقة ..
لكن أبداُ ما يا فبالي إنه ممكن يجي اليوم اللي أكتشف يه نوع جديد من الصداقة، كل صديقاتي كانو مجرد بنات أكلمهم و نتساعد في الدراسة ، و حدودنا ما تتخطا المدرسة ، إلا لو في شي مشوار أو طلعة نخططلها مجموعة بنات و نطلع مع بعضنا مرة وحدة و نقعد نتكلم و نلعب و نقضي وقت حلو ..
السنة الماضية، تعرفت على بنت كانت معي في نفس الصف .. شخصيتها غريبة، يعني تقدرون تقولون غامضة، ما كانت تكلم حد إلا بنتين في المدرسة كلها، المهم، و كالعادة ما أخلي حد من شري، رحت و تعرفت عالبنية ، و صرت أتكلم و أتكلم و هي ما تعلق، تكلمت عن وايد أمور و هي ما تعلق أبداً، و أسألها و ما ترد، قلت عادي، و كل يوم أسوي نفس الشي، ما أقدر أحس إنه في بنت عجزت عن إني أصادقها و أتعرف عليها ..
و مرت الأيام ، و صارت البنت تكلمني عادي، لكن بأمور سطحية، الدراسة و بس.. لين ما تعلقت البنت فيني بشكل غريب، و صارت تهتم فيني بصورة غريبة ، أنا تفهمت الوضع لإن البنت أوضاعها العائلية صعبة، و هي ما عندها صديقات اللي تكلمهم، و ما في شي شاغلها و أنا طبيعتي إني أسمع للناس و أتفهم أمورهم، يعني كان طبيعي إنها ترتاحلي و تهتم فيني، لكن حاولت إني أخلي البنت تخفف من هالاهتمام و كلمتها و قلتلها إنه ما في داعي لكل اللي تسويه..
البنت زعلت ، و ما كلمت حد من يومها، حتى أنا ..
مرت السنة الماضية، و أنا أحس إن البنت لازم ما تفكر فيني أبد، أنا مب متعودة أبداً إن حد يهتم فيني أو يفكر فيني، طول عمري أتكلم و أتكلم و ما أنتظر رد ، و طول عمري أعطي الناس و ما أنتظر شكر .. فكان الشي غريب علي
أول السنة هذي البنت كانت معي في الصف ،، و هي ما طاعت تكلمني ، و أنا متقبلة الوضع، و عالفصل الثاني ، ثنتين من ربيعاتي يو عندي و كلموني، قالولي اللي أسويه بالبنية حرام، و إنها ما تقدر تنام و هي تفكر فيني،،
سرت عندها و حاولت أكلمها .. و هي ما ترد ، قلت خلاص مو مشكلة بكلمها بالتليفون .. و صارت مشاكل كبيرة بينها و بين أهلها، و السبب ما أعرفه لكني حسيت إن لي دخل بالموضوع ..
اليوم اللي نحلت فيه الأمور، هي اتصلت فيني و قالتلي أختار كيف أباها تكون بالنسبة لي،خليتها هي تختار و هي اختارت نكون بست فريندز ..
أنا ما عارضت لإن اللي كان يوصلني من الكلام إني ظلمت البنية أكثر من سنة كاملة
المهم من وقتها البنت ما تتحمل تشوفني أكلم وحدة غيرها ، و لا إني أنشغل بشي عنها ، و كان في وايد مشاكل بسبب هالموضوع .. أنا ما كنت أقدر أستحمل و أحاول أخلص عالمشكلة بسرعة لإني ما أحب المشاكل .. و هالشي لهاني عن دراستي بشكل كبير لكني حاربت حتى حافظت على مستواي
بعد المدرسة ، و لين الحين، كل يوم تكلمني و أكلمها ، و نطلع ويا بعض أوقات ، لكن أحس إني ما أقدر أتكلم أبداً لما تكون هي معي ، و ما أعرف كيف بدأت أفكر فيها، يعني كل شي حوالي يذكرني فيها .. هي وايد تهتملي، لكني أخاف إني أنا بعد أهتملها ،، هذا مو من طبعي، بحياتي كلها ما عطيت حد أهمية ، هذي البنية كانت أول وحدة تاخذ اهتمامي
آسفة وايد طولت عليكم لكن سؤالي هو ، طبيعي إني أفكر بصديقتي طول الوقت ؟ يعني عادي الموضوع ؟؟ أنا أحبها كصديقة لكن ما أعرف وين حدود الصداقة
أتمنى إنكم تفهمو حالتي النفسية .. صار صعب علي إني أتخيل حياتي بدونها .. لكن لو الموضوع فيه أي شي خطأ أتمنى إنكم تخبروني لإن أهلي وايد انتقدو موضوع إني دوم أكلمها عالتليفون و عالموبايل و مسجات طول اليوم ..
و مشكورات مسبقاً
انتي لا تفكرين فيها .. ادري صعب بس كل ما تخطر فبالج لهي عمرج بشي ثاني واهم شي اذكررررررري الله
وعامليها عاااااااااادي و عقب بتكونون بست فريند .. وعن الغيره قوليلها انج ما تحبين هالطبع مب مباشر لا بسلوبج
او بطريقة غير مباشره مثل جنج تقولين سالفه ثانية عن اي حد غيار وعقب قولي ماااااحب الغيره
تدرين لييييش لانه يمكن تمنعج عن نااااااس ومحبة النااااااااااس ………
بس نصيحتي لج شرات خواتي اللي ردوا عليج انج تنتبهين لعمرج لا تتحول هالصداقه لي مب اووكيه
وانتي خلج دايما مسويه حدوود وخلها تعرف حدوودها وياج
والله يستر عليكم حبيبتي ..,
