كل ماتستويلي مشكله افتح الموقع واشوف مشاكل غيري وتهون عليه مصيبتي وأقول بصبر والله بيفرجها
بس اليوم
حبيت أطرح هالموضوع عشان كلنا نستفيد من بعض ..
وعشان يحفزني هذا الشي على التغيير للأفضل بعون الله وثم بعدذلك نصايحكن…
عزيزاتي
أحس أن الطيب يخليني ضعيه بارده ماعرف شو التعبير الموحي ..
اذا حد يغلط عليه بطريقه غير مباشره اسكت وفي داخلي احترق ؛وخلاف اقول كان بإمكاني أرد بهذا الرد ليتني ماسكت ،وهذي مشكلتي سواء حد غلط عليه بتصرف أو كلاام..
منو مر بهذي المشكله فيكن ؟
وكيف تغلبت عليها ؟
وبشو تنصحني عشان أغير هذا السلوك ؟
بس السكوت من ذهب… و تعودت كل ما اضايج او حزينة اتوضا اتحسين غيظج اختفى…
الحقران بعد تراه يقطع المصران
شي طبيعي تصير لأنج تتعاملين مع وايد شخصيات الطيب والشري
بس انت حافظي على طيبتج لان الشر ما يمدحونه =)
وانتي فالأخير بتكونين مأجورة اكتمي غيضج واعفي عن الناس
قبل ما أعرس كنت دووم اتجنب المشاكل وياالبناات ويالمدرسات فالمدرسه وفالكليه وفالبيت …
بس من عرست لازم تتغير البيئه ونختلط ويا الناس أكثر من قبل ..
أحس الطيب والسكوت سبب لي مشاكل
لأني إذا اضايجت وسكت بين الضيج ع ويهي وريلي فديته مايحب يشوفني مضايقه فهذا الشي يسبب لي مشاكل
وشي ثاني كوني أم كيف بدافع عن عيالي<< جي بتحاربين خخخ
إذا استمرت عندي الطيبه بهذا الشكل
الطيبه حلــــوهـ و من صفات المسلمين الطيبه و رحمة القلوب ،؛
بــــــــــــــس الطيبه في المواقف تنهانيين فيها ما تنفع لانه لازم ادافعين عن عمرج ،؛
هب ادافعين بظرابه !!! ادافعين بعقلانيه ،؛
و في امور ما يحتاي تردين على حد تطنيشج يحقرهم ،؛
و بجيه طيبج تكون نافعه هب ضاره ^^
و نصيحتي ادعي ربج ،،؛
{ اللهم لا تجعلني لا من الظالمين و لا المظلومين }
و الله يوفقج لما يحب و يرضى ،؛
على الأقل قولي الله يسامحكم
عشان تحسسينهم انج مب راضيه ومتضايقه ولا بيمصخونها
الطيبه زينه بس ما توصل ان حد يهيني واسكت له ليش وين احترامي لذاتي
الصراحه انا كنت نفسج بس بعدين حسين اني كنت اخاف على شعورهم وهم ما يستاهلون….اسكت عنهم بس لو زودوها ما اسكت ارد عشان يعرفون حدودهم …
اختيه حاولي مرة وحدة تردين على اللي يغلط عليج ….بعدين بحسين انهم يحترمونج ويسون لج الف حساب…اقولها عن تجربه
كوني طيبه بس من دون ما تسمحين لحد يتعدى حدوده وياج….مثل ما تحترمونهم من حقج يحترمونج
واسمحيلي
