في موضوع بخاطري يدور
لماذا كثرت عمليات الولادة القيصرية عندنا بالامارات
خاطري أعرف الاجابة
لأني ملاحظة العمليات في ازدياد
وقلة القليلة اللي تربي بــــــ
ولادة طبيعية
شو السر يا ترى؟؟؟؟؟؟؟؟؟؟؟
والله يسهل علي هذي عمليتي الثالثة بتكوووووووووووون
يمكن الاسباب تكون ..تساهل الاطباء في مسألة العملية ..
وطريقة عيشتنا الحين ..كلها كسل في كسل (قلة الحركة)
..والاكل مو طبيعي بالمولونات الي فيها والكيماويات.. ..
ثانيا أسهل مايتريون الحرمه لين تربي يحددون الوقت والبنج وخلاص
قعدت أفكر وأقول
أن الحرمة اذا سوت العملية القيصرية
يعني بإمكانها تحمل عدد معين من المرات
وأتي في مرحلة أنها ماتقدر تحمل
وأتصور لو كل وحدة فينا سوت العملية القيصرية بحد من عدد الولادات مستقبلا
وأتصور أن هذا راح يقل من عدد مواليد المواطنين
يعني خلنا نقارنها بالولادة الطبيعية
الحرم بامكانها تحمل شرات حريم الاول
الين 16 ياهل عادي ومافي أية مشاكل
لكن بالقيصرية
عدد الولادات راح تقل
انا دخلت المستشفى وكان الجنين تعبان وعملت العملية
لكن تنومت بالمستشفى خمس ايام
لاحظت ان غرف العلميات ما توقف
والله حرمة داخلة وحرمة ظاهرة
اسهل لهم العملية
لان وايد من ربيعاتي ما يوافقون على العملية ويولدون طبيعي بعد اسبوع او يومين حتى من كلام الدكتورة
