:: الفزعة يابنات الشارجة ودبي ::.

السلام عليكم ورحمه الله وبركاته

خواتي طلبتكن اللي تقدر تساعدني بلييز ما تردني

انا من الشارجة

حصلت ارقام اكثر عن 7 سواقات وانا مستانسه

بس اتخيلو الصدمه اني كل ما اتصل بوحدة شو تقول؟؟؟

انا بسافر وانا بسافر وانا ما اوصل دبي وانا اخذ 2500 وانا اخذ 2024 عنبو شو الناس وين عايشين ليش جي هالاستغلال؟؟؟ راتبي ما وصل 4000 ادفع 2500 على المواصلات بالله شو بقى من الراتب؟؟

خواتي انا اريد حرمة ملتزمة صادقة وتقدر الظروف اللي لو لها جان ما لجأنا لهالشي
توديني دوامي في دبي وترجعني الشارجة

ممكن فزعتكم

والله يا اختي ما بتحصلين
عندي ارقام بطرشهم لج
بس لان وايد قاموا يستغلون
ويقولون لنا مساكين حريم اصحاب اسر ومحتاجين
طيب قلنا محتاجين بس مب لهاي الدرجة وهذا الاستغلال

البترول غالي
طيب كلهم عندهم سيارات هوندا او تويوتا الصغيرة
الفل مالها 60
وتاخذ 2500
والله حرام

نصيحتي تعلمي سيارة احسن لج
والله ما بيطلع عليج التعليم اكثر عن 2500

برسل لج الارقام

السموحة منج ما اعرف بس حبيت ارفع الموضوع

كتكوته يزاج الله خير

اسرار 111 يزاج الله على الرفع

كتكوته انا توني بتوظف عشان جي ما عندي ليسن والاهل ما كانو يسمحون لنا ان ناخذ الليسن ونحن ندرس اول ما اكمل شهرين في الوظيفة على طول بتعلم ان شاء الله

للرفع