الكسل و العيازة و الخمول

السلام عليكم

خواتي ابا حل لمشكلتي العويصة

انا انسانه عيازة بشكل فظييييييييييع حتى الكل يتضايق من عيازتي حتى ما اسير العزبة و لا اظهر من البيت بسبة العيازة و لا اسوي اكلات و ما عندي هوايات و لا اسوي اي شي يتطلب مجهود اللهم القراية و بس يعني عندي افكار روعه و اعرف وايد اشياء روعه اقدر اسويها من كثر ما اقرا و ايلس ع النت بس ماااا اطبق اي شي فحياتي اتعايز ادرس اتعايز احل واجباتي حتى ما اروم اييب الشي اللي يكون فنفس الغرفه اللي انا فيها ازقر حد اييبلي والله احس هالشي مرررض و خرب علي حياتي وايد بس والله ما فيني ماحب اسوي شي مالي نفس و امي وايد تنقهر مني و تعصب بسبة هالشي و مرات فالمدرسة يطلبون منا اشياء انا اييبهم آآآخر الناس و بعد فتره طويلة و بعد صح احس طول الوقت بالخموووووووووووووووووول اشرب نسكافيه وايد ماشي فايده ما اتنشط و لا شي بلييييييييييييييز ساعدوني حتىى اشيائي اتعايز ارتبهم دهر لين ما ارتب كبتاتي ><"

سبحان الله و الحمدلله و لا اله الا الله و الله اكبر

انتي ابدي اتحركي مره وحده عقبها كله بتتحركين..

انا تقريبا شراتج..

مشكلتي ما استمر ..
يعني يوم اسويلي جدول عنايه بشري مثلا , بس اتجوفيني اول اسبوع شااده حيلي وعقب اتعااااايز ..

قلت ابا اقوي لغتي الانجليزيه يمكن اسبوعين بس يلست احفظ كلمات وعقب اتعاايزت اكمل ..

الاكل اروم اسوي وابدع بس احياناا اتعااايز..

بس حق الطلعاات العكس بسرعه اتجهز واخلص ..

والله الكسل مشكــــــــــــــــــــله ..
الله يعينا..

السموحه ماعرف شو الحل .. ><"

انتي بعد يبالج رياضة عشان ترد لج الطاقة و الحيوية
عضلاتج مرة ميته
سوي رياضة

ليش حبوبه من نكج انسانه طمووحه لازم تطمحيين ويكون عندج طموح

حركي عمرج سوي وتعلمي بجوفين الكسل راح عنج

حطي استيكر وكتبي لاااا للكسل وسوي جدول وامشي عليه وان شاءالله الكسل ها بيروح

قولي اللهم اعوذ بك من العجز والكسل ……. الحركه بركه … يمكن من االاكل ترا الواحد اذا كل وايد يخف نشاطه انا اتذكر من زمان ايام الدراسه كنت دايما الصبح احب اكل توست مقلي مع البيض والسكر وهو ثقيل من اكله احس عمري طول اليوم خصوصا الصبح وانا متعايزه اسوي اي شي ههههههههههههه وما كنت اعرف السبب بس عقب سنواات عرفت السبب هههههه … يمكن تقولين شو يخص هذا في الموضوع بس هذا تخمين غيري طريقه اكلج وسوي رياضه علشان تتنشطين واعملي بالمقوله لا تؤجل عمل اليوم الى الغد

ههه شكراً ع الردود شجعتوني بيلس ادز عمري نحو النشااااط و الحيوية لين استوي صدق نشيطخ خخخ

ضحكتيني ساروه عاد نحن دوم نييب اكل فالمدرسة بس انا ما آكل لصبح لين الساعه 10 اكل اكل مغذي يعني مب بسبة الاكل خخخخخ و لا يحليلج اكتشفتي السر بعد سنين

و هيه صح كلامكم الرياضه احس انها بتعدل حالتي بحاول اسوي رياضه ع الاجهزة>>اونه اقول بحاول يعني مب ناويه الاخت بحاول والله الله يكون فعوني =)

و بكتب الدعاء عندي بقراه مع اذكار الصباح ان شاء الله لانه الاذكار و الدعاء لها تأثير كبير =)