رجيم الكورن فليكس ..
السلام عليكم ورحمة الله وبركاته ..
يا بنات انا وحده مليت من متني وشكلي وصج صج صج بخاطري اضعف واصير رشيقه لووول ادري صعب بس حيل مجتاجه تشجيع ..
المهم قبل يومين كنت رايحه زواره بيت جدي وطق براسي اتعشى كورن فليكس رحت الفرع وشريت كورن فليكس وحليب وانا اكل ..خالتي قالت مسويه رجيم الكرون فليكس قلت لها لا بس بخاطري ورحت شريته ..
قالت رفيجتي سوت رجيم الكورن فليكس وضعفت حيل حيل حيل
وإلا قلت ليش ما اكتب بقوقل خصوصا انا هاليومين حيل حابه الكورن فليكس جان اكتب وانصدمت لقيت بمنتدى هالرجيم وحبيت انقله لكم وانا باديه من اليوم ومن صج حيل حيل حيل متشجعه وكلمت امي وقلت لها اشلون لو رحت مكان او طلعت عشى صعبه اخذ كورن فليكس قالت لا صعبه ولا شي خصوصا ان في العلب الصغيره خليها معاج بالجنطه واكليها متى ما تبين وصج حسيت انها فكره ..
والحين انا راح انقل لكم الرجيم وزياده عليها راح انقل لكم مقتباسات من بعض المنتديات وانتوا كيفكم صدقوني ما بتخسرون شي لاني بعد ما قريت المقتبسات حيييييييييييييل تشجعت فوق ما تتخيلوون ..
والرجيم هو كالتالي ..
الريوق كورن فليكس + حليب قليل الدسم
الغداء كورن فليكس + حليب قليل الدسم
العشاء كورن فليكس + حليب قليل الدسم
وممكن توزعين واجباتج على 6 او 5 حصص يوميه والشي اللي اباكم تعرفون وهو المهم انه هذا الرجيم هو من رجيمات السعرات الحراريه المنخفضة …
وممكن تتفننين في اختيار نوع الكورن فليكس اللي به مكسرات او فواكه او اي شيء وخاصه انه به كل الفيتامينات المفيدة مع حليب قليل الدسم
وممكن البراون او الحبوب الكامله … يعني انتي وشو تحبين
ومن الاختيارات الموجودة :
الكورن فليكس ابو ديج
وكورن فليكس الرشاقة
والبراون كورن فليكس
بس بدون اي سكر والحليب لازم يكون قليل الدسم او ممكن تستفيدين من موضوع السعرات وتاخذين كامل الدسم
هذا حسابي ل4 وجبات كورن فليكس = 724 سعرة حرارية في اليوم وممكن تكملين على راحتج بالفواكه والخضروات والعصاير حسب جدول السعرات الحراريه اذا كان متوفر عندج واذا مش متوفر ممكن تحلينه على النت وتختارين براحتج …
واشربي الماء اي وقت بالاضافة الى الاعشاب
والشاي بدون اي تردد اذا كنتي تراعين انه الحليب خالي الدسم وسكر خاص بالرجيم
الوجبة الوحدة = كوب كورن فليكس 95+ كوب حليب خالي الدسم 86 = 181 سعرة
السعرات الحراريه في كورن فليكس كوب (25 جرام ) = 95 سعرة حرارية وممكن تشوفين اللي موجود على الجدول اللي اي على العلبه وتحددين …
السعرات الحراريه في حليب قليل الدسم 1%
1 كوب
102
السعرات الحراريه فيحليب قليل الدسم 2%
1 كوب
121
السعرات الحراريه في حليب خالي الدسم
1 كوب
86
ولازم الوجبات ماتزين عن 5 او 6 وجبات فقط في اليوم … توزيعنيها براحتج …
هاذي نقل للمجربات من بعض المنتديات
اقتباس:
بالنسبة لرجيم الكورن فلكس وايد روعة.. يمكن لاني احبه وايد .. وبالنسبة للنزل كل يومين انزل كيلو واحد..
ومرات اوقف او اخبص بالاكل بس يوم استمر عليه والله اني انزل ومايرد مرة ثانية انا الليحين مستمرة عليه في هالمسابقة وبنشوف ان شاء الله..
اقتباس:
اليوم الرابع في رجيم الكورن فلكس ونزلت عليه 3كيلو ولله الحمد ومازلت مستمرة
اقتباس:
الصراحه هذا احلى رجيم جربته في حياتي، يمكن لإني أحب الكرون فليكس وعادي لو أكله طول اليوم ، سبحان الله مع ان ساعات أخربط في الرجيم وأخذ يوم الجمعة أو الخميس مفتووح ، بس الوزن مايزيد كله ، يعني تزيدين نص كيلو أو كيلو وإذا تكملين الرجيم اليوم الثاني راح تنقصين ، هذا أحلى شي فيه ، بمعنى آخر يعني إذا خربتطي في الرجيم كملي اليوم الثاني لأن وزنج ماراح يزيد مثل الرجيمات الثانية ، وهذا عن تجربة
اقتباس:
انا مرة قريت بمجلة ان المغنية السمرا الامريكية بيونسيه اذا زاد وزنها شوية على طول تسوي رجيم الكورن فليكس
وماشالله جسمها يهبل
اقتباس:
وحبيت اذكركم اذا تريدون تأكلون اي كمية الي تحبونها
لازم يكون الكورن فلكيس ( للرجيم فقط )
وللبن قليل الدسم
وينصح بالمشي نصف ساعه
بالتوفيق
وفرحانه للي جربت هالرجيم
فعلا كان نافعني ونزلت عليه يمكن 13 كجم لاني استمريت عليه شهر ونص لاني كنت اكل عليه شوية عيش خخخخخخخ <<< عاشت الي تريد تنحف
اقتباس:
واستمريت الحين اسبوعين ونقصت 10 كجم والحمد لله ويوم الخميس الي طاف كان عرس بنت خالتي
ولبست فستان وكشخة والحمد لله جسمي حلووو وصار كل شي تمام
اقتباس:
انا سويته 3 ايام نزلت 3 كيلو بس وكان اكل الكورن فلكس مفتوح 4 وجبات او 5
منقووووول … شو رايكم بنات منو جربيت الكورن فليكس ريجيم
والحين ابا اضعف بي اي وسيله
يالا نسوي تجمع رجيم الكورن فليكس
بنشووف تجاربكم انشالله
