السلام عليكم
مضايقة وابغي افضفض واطلع اللي فقلبي..انا ساكنة فبيت اهل زوجي..واشتغل وعندي بنتين الله يحفظهم..مش مرتاحة..طبع عمتي وايد ينرفز..بشهادة الجميع..على عيني وراسي عمتي وانا ما اقوللها أي شي..بس ماقدر امنع عمري اني اضايج..انا الحين اكلمكم ومب عارفة اقعد فالدوام وايد متنرفزة..بعطيكم امثله وانتوا احكموا بنفسكم..عمتي وايد وسواسية واي شي انا اجوفه عادي هي اطلع فيه مشكلة..الصبح الخدامة تبا تريق بنتي وانا بنفسي مشرفة على الريوق وبنتي تحب هالريوق وهي تقول بس بس لا تعطينها وما تخلي الخدامة تشوف شغله..ونفس الشي وقت الغدا تقول بس خلاص لا تعطينها..ومرة قعدت اطلع الدياي من الاكل؟ انزين ليش؟ حرام هاي ياهل محتاجة البروتين؟ ما بيستوي بها شي ليش هالمحاتاه اللي مالها داعي؟ البنت تكون تبا الاكل يوعانة وقت ووجبتها هذا..تبند على عيالي المكيفات فوق وتصارخ على الخدامات عسب ينزلون اليهال تحت وتباهم تحت طول الوقت.. اقولها خالوه مايستوي يتمون تحت طول اليوم فوق العابهم وتلفزيونهم وثيابهم..شوي تحت وشوي فوق.. ووايد تشك فالخدامات ودايما تشحني عليهم وتخليني اشك فيهم انهم ما يعاملون عيالي عدل مع انه ما عندها أي دليل ولا شافت شي بعينها..انزين ليش تسوين فيني جي؟ وانتي تعرفين اني انا اشتغل عشان اساعد ريلي؟ مب لاني انا ابا اشتغل.. انا ابغي اقعد فالبيت بس اتريا بيتنا يخلص ويتأجر.. للأسف ريلي بيأجر البيت لانه يبا يسدد دينه..يعتني مستحيل اطلع لين فترة الله يعلم لين متى. توها بنتي الصغيرة كانت اجوف تلفزيون جان عمتي اتم تزاعق بصوت عالي عسب يبندون التلفزيون لانه ريلي راقد! والله العظيم انه الصوت ما يوصل وريلي رقاده ثجيل.. ليش هالحركات؟ انزين اليهال وين يروحون؟ ومن كثر ما تهاوش خداماتي قاموا يجنبونها.. انزين عيالي شو ذنبهم ينحبسون في حجرتهم بس لانها ما تبا التلفزيون شغال؟ هل هو توفير كهربا ولا شو بالضبط؟ تبند الميكفات والتفزيونات..وبناتها بعد نفس الطبع..مثلا اكون قاعد فصالتي وادخل شوي حجرتي حتى لو 5 دقايق اطلع احصل المكيف مبند! يحسسوني اني مالي حق اسوي أي شي..وانه هذا مش بيتي..وريلي ماحب اشتكيله لانه وايد عصبي..و ما يحب اشتكي من اهله ما يرضى عليهم وهو اصلا ما يحب المشاكل وما يحب نحط فخاطرنا على بعض..وانا اصلا يوم يكون شي مضايقني احاسب وايد على كلامي معاه وما احسسه اني مضايجه من اهله وما اذمهم. وايد احاسب على كلامي. بس تعبت..الوضع وايد زاد عن حده..عمتي من صوب وبناتها من صوب.. للعلم..حركاتها مع عيالي ما تستوي الا يوم اكون انا فالدوام.. وبنتها الكبيرة انا وهي اصلا ما نتكلم لانه اسلوبها زفت معاي.. وايد تأذيت منها واااايد. الله المستعان بس..ادري انه هالمشاكل في كل بيت بس حبيت افضفض.
مضايقة وابغي افضفض واطلع اللي فقلبي..انا ساكنة فبيت اهل زوجي..واشتغل وعندي بنتين الله يحفظهم..مش مرتاحة..طبع عمتي وايد ينرفز..بشهادة الجميع..على عيني وراسي عمتي وانا ما اقوللها أي شي..بس ماقدر امنع عمري اني اضايج..انا الحين اكلمكم ومب عارفة اقعد فالدوام وايد متنرفزة..بعطيكم امثله وانتوا احكموا بنفسكم..عمتي وايد وسواسية واي شي انا اجوفه عادي هي اطلع فيه مشكلة..الصبح الخدامة تبا تريق بنتي وانا بنفسي مشرفة على الريوق وبنتي تحب هالريوق وهي تقول بس بس لا تعطينها وما تخلي الخدامة تشوف شغله..ونفس الشي وقت الغدا تقول بس خلاص لا تعطينها..ومرة قعدت اطلع الدياي من الاكل؟ انزين ليش؟ حرام هاي ياهل محتاجة البروتين؟ ما بيستوي بها شي ليش هالمحاتاه اللي مالها داعي؟ البنت تكون تبا الاكل يوعانة وقت ووجبتها هذا..تبند على عيالي المكيفات فوق وتصارخ على الخدامات عسب ينزلون اليهال تحت وتباهم تحت طول الوقت.. اقولها خالوه مايستوي يتمون تحت طول اليوم فوق العابهم وتلفزيونهم وثيابهم..شوي تحت وشوي فوق.. ووايد تشك فالخدامات ودايما تشحني عليهم وتخليني اشك فيهم انهم ما يعاملون عيالي عدل مع انه ما عندها أي دليل ولا شافت شي بعينها..انزين ليش تسوين فيني جي؟ وانتي تعرفين اني انا اشتغل عشان اساعد ريلي؟ مب لاني انا ابا اشتغل.. انا ابغي اقعد فالبيت بس اتريا بيتنا يخلص ويتأجر.. للأسف ريلي بيأجر البيت لانه يبا يسدد دينه..يعتني مستحيل اطلع لين فترة الله يعلم لين متى. توها بنتي الصغيرة كانت اجوف تلفزيون جان عمتي اتم تزاعق بصوت عالي عسب يبندون التلفزيون لانه ريلي راقد! والله العظيم انه الصوت ما يوصل وريلي رقاده ثجيل.. ليش هالحركات؟ انزين اليهال وين يروحون؟ ومن كثر ما تهاوش خداماتي قاموا يجنبونها.. انزين عيالي شو ذنبهم ينحبسون في حجرتهم بس لانها ما تبا التلفزيون شغال؟ هل هو توفير كهربا ولا شو بالضبط؟ تبند الميكفات والتفزيونات..وبناتها بعد نفس الطبع..مثلا اكون قاعد فصالتي وادخل شوي حجرتي حتى لو 5 دقايق اطلع احصل المكيف مبند! يحسسوني اني مالي حق اسوي أي شي..وانه هذا مش بيتي..وريلي ماحب اشتكيله لانه وايد عصبي..و ما يحب اشتكي من اهله ما يرضى عليهم وهو اصلا ما يحب المشاكل وما يحب نحط فخاطرنا على بعض..وانا اصلا يوم يكون شي مضايقني احاسب وايد على كلامي معاه وما احسسه اني مضايجه من اهله وما اذمهم. وايد احاسب على كلامي. بس تعبت..الوضع وايد زاد عن حده..عمتي من صوب وبناتها من صوب.. للعلم..حركاتها مع عيالي ما تستوي الا يوم اكون انا فالدوام.. وبنتها الكبيرة انا وهي اصلا ما نتكلم لانه اسلوبها زفت معاي.. وايد تأذيت منها واااايد. الله المستعان بس..ادري انه هالمشاكل في كل بيت بس حبيت افضفض.
بصرآحهه الله يعينك اخيتي ويفك كربتك …
بس حاولي وايد انك تكلميها وتفهميها ..
واخوات ريلك حاولي تتقربي منهم زود
اهديهم الهدايا تقرب القلوب لو كسبتيهم اظن بيتركون عادتهم وياك …
امين..مشكورة اختي غروري تواضع..انا دايما اكلمها وافهمها وتحرج زيادة لانها تعرف انه الخدامات خبروني..والبنات حاولت اكسبهم وايد بس يتعدلون فترة ويردون على طبعهم. الله يهديهم.
الحريم الكبار كلهن جيه الله يهديهن
ترى الانسان من يكبر يرد شرات اليهال
الحل انج تكسبينها وتسايسينها بالكلمة الطيبة
طبع عمتج شرات عمتي بس انا ما سكنت وياهم ريلي كان رافض لانه يعرف اطباع أمه
وسواسية وايد من البشاكير وما تبا البشكارة اتدق اي شي فالبيت
ويوم نزورها كل حد يحصل حقه من التقطيع هههه بس اضحك واخذها بروح رياضية
و يوم ترمس عن البشاكير اسايرها واقولها صح كلامج حتى لو البشكارة فقيرة ومن وراها اعطيه ا وارحمها. الحريم الكبار جيه يبغون كلامهم هو اللي يمشي ولا تناقششينهم ابد
و بين فترة وفترة عطيها هدايا اطيب الخاطر عطور دخون قطعة مخاوير
ترى الانسان من يكبر يرد شرات اليهال
الحل انج تكسبينها وتسايسينها بالكلمة الطيبة
طبع عمتج شرات عمتي بس انا ما سكنت وياهم ريلي كان رافض لانه يعرف اطباع أمه
وسواسية وايد من البشاكير وما تبا البشكارة اتدق اي شي فالبيت
ويوم نزورها كل حد يحصل حقه من التقطيع هههه بس اضحك واخذها بروح رياضية
و يوم ترمس عن البشاكير اسايرها واقولها صح كلامج حتى لو البشكارة فقيرة ومن وراها اعطيه ا وارحمها. الحريم الكبار جيه يبغون كلامهم هو اللي يمشي ولا تناقششينهم ابد
و بين فترة وفترة عطيها هدايا اطيب الخاطر عطور دخون قطعة مخاوير
الله يعينج ما نعرف ظروف عمتج هل عندها عيال غيرزوجك
خلاص اطلعو بيت بروحكم كم بتعيشو مرات بناء وايجار
وشغل وكرف مايسوى عليج
الله يعينج
الله يكون فعونج الغالية. عاد هذا طبعها مابتقدرين تغيرينه بيوم وليله. الله يهديها لج يارب.
شكرا بنات على الردود..امين يارب
