هذا اول موضوع لي في هالمنتدى الرااااائع واتمنى نقدر نفيد بعض في كل المجالات
عندي استفسار بخصوص الليزك اذا سامعين عنه واذا حد من الاخوات مسويته او حد من اهلكم
عندي بعض الاسئله اذا استفادو ونظرهم رجع 6على 6 واذا ماله مخاطر يوم تسوينه وعلى المدى البعيد
لاني سمعت انه يرجع النظر بعد فتره وينقص اكثر من الاول ما ادري صح او لا يا ريت تقدرون تساعدونا
و وين احسن مسشفيات ودكاتره يمدحونهم انا نظري ناقص بس مو وايد بس خلاص تعودت على النظاره
ومليت منها حتى انها سوت لي هالات سودا على عيوني والبس عدسات بس العدسات عيوني تحسس منها
اخوتي الله يعطيكن العافيه ان شاء الله القى الحل
ومشكورين مقدما
أنا سويتها من 4 سنين ونص…ولله الحمد والمنه ..وما شاء الله …تبارك الله نظري ألحين 6 على 6
سويتها عند دكتور روسي على ما أعتقد اسمه ( تشافدار) في المستشفى الدولي …بس هذا الدكتور كان زاير يعني ما يشتغل في المستشفى…وما عندي فكرة إذا بعده يزور المستشفى وإلا لا…لأنهم غيروا موقع المستشفى وسموه المستشفى الدولي الحديث…بس ناس وايد يمدحون المغربي ( المستشفى المغربي للعيون)
وأبداً ما حسيت بأي ألم …مدة العملية 5 دقايق..بس طبعاً مع التخدير الموضعي ( قطرات في العين )..وبعدين تنتظرين عندهم شوي لين ترتاح العيون..يعني كلها 20 دقيقة…
وسويتها بـ 8 آلاف درهم طبعاً ألحين ما أدري بكم يسوونها…
انصحج سويها وتوكلي على الله…وإذا إنتي متردده استخيري….
ادعي لي إن الله يهدي أمي ويصلحها ..وترضى عليّ…وما تتدخل في حياتي الزوجية…
انا مسويته من سنه و نص الحين و الحمدلله ما صارتلي اي مضاعفات
و سعر العملية كان 1800 درهم
و اهم شي تسوينه بالشتا عشان ما تتضرر عيونج في الشمس و لازم تمين في الظلمه ع الاقل اسبوع و بعدين تلبسين نظارات شمسيه
اتا هناك الحمدلله ارتحت لان سويته بالشتا و الجو دومه ظلمه .. حتى من ثالث يوم طلعت السوق اتشرى !! بس لا تسوين مثلي !!
