أخواتي بالله ،حبيت اكتب هالموضوع خوفا على البنات العفيفات ، انتشر بشكل اكبير،، تصوير البنات لأعمارهم بالتلفونات وتخزينها بالتليفون او بالكمبيوتر ،، وللأسف مب متخيله المشكله الاكبيره اللي ممكن تحصل الها اذا ظاع التلفون او هكر ع الكمبيوتر ،،
بذكر الكم كم مثال من الأمثله اللي بالفعل صارت بالواقع:
1- اتصور عمرها واتصور ربيعتها دايما بالتلفون وهي من النوع اللي اتشيل تلفونها بايدها راحت هي وربيعتها حمام الجامعه وانتوا بكرامه وكانت اهناك بس عاملة التنظيف،، وقت طلوعهم نست التلفون عند المغاسل ثواني ورجعت له ومالقته ؟؟سألت العاملة قالت ماشفت شي؟؟اشتكت عليها وثبت عليها السرقه بس التلفون وينه؟؟والصور وينها ؟؟الله يعلم ,
2- اتحط صورها وصور ربيعاتها بالكمبيوتر وفي مره هكروا ع كمبيوترها وسرقوا الصور مع انه الصور مافيها اي شي،، لابسين ومستورين،، بس بعد كم شهر وصل لأخوها صوره بالبولوتوث ،،صوره اخته وربيعتها ومركبين عليهم جسم ؟؟(لاحول ولا قوة الا بالله ) اتخيلوا نفسيتها وهي معرسه وعندها يهال ؟؟
3- مصوره عمرها مع ربيعاتها بالتلفون وتلفونها فارتنه اهني واهناك واي حد يقدر يفتح الاستوديو وايشوف ع راحته،، والحجه ابي اشوف مسجاتج؟؟بس المشكله اللي توثق بحد ،، وتنسى انه النفس أماره بالسوء..
4- قصه وصلتني بالايميل بحطها مثل ما وصلتني بالضبط ،،انا انسانه عمري 21واحب الذكريات والتصوير خصوصا اذا كانت في سفر او في مواقف تحصل في العائله المهم انا موحقت لافيس بوك ولا بالتوك ولا مغازل ولا يحزنون بس احب اصور نفسي كثير بما اني بنت ومعجبه بنفسي المهم انا دايم اصورنفسي وفيه صور مالها داعي واللي يشوفها يقول عني بنت صايعه وانا ما اقصد فيها شي اصوراولاد اخواني واخواتي واخواتي المهم اخواتي كلهم متزوجات واحب التصوير اذا تمكيجت واذا جيت البس لبس جديد وحرصي على الصور انقلتها كلها من الكاميرا الى الاب توب ولما تعطل الاب توب قررت اوديه الى محل عشان يتصلح واخذت كل الصور اللي في الاب توب ونقلتها الى جوالي وحذفت كل الصور من الجهاز
المهم في نفس اللحظه قالت لي امي انها تبي تروح اسواق المملكه وكنا في وسط الاسبوع وكان العصريوم الاثنين 15-12-2017م وقالت لي روحي معاي وهذا طبعا لان كل اخواتي متزوجات وفي بيت ارجالهم قلت لها اوكي حتى اني ما لبست كويس لان امي تحب تروح مملكة المرأه اكثر شي لانها تشتري الانجري من هناك وتستحي تشتري من محلات الرجال وبعد ما وصلنا لمملكة المرأه اخذنا لفه على المحلات وكان جوالي فيه كل الصور اللي حذفتها من الاب توب فجأه رن جوالي واطالع الجوال إلا اختي الكبيره تقول ليه ماتردون على البيت وقلت لها ان احنا طالعين قالت لي عطيني امي ابي اكلمها عطيت انا امي الجوال وكنت حريصه على جوالي عشان الصور امي قفلت وعطتني الجوال ولما جينا نطلع من السوق وجيت ادق على السواق إلا فجأه مالقيت جوالي كبيت كل اللي في الشنطه فسخت العباية دورت في جيوبي فتشت امي مالقيته حست مملكة المرأه وحست الدنيا وصرخت وبكيت وقلت لامي فيه صورنا كلنا اللي في الكاميرا واللي في الاب توب وصور اخواتي كلهم ودرت في كل المحلات وكل مكان وانا اتحيسب وين راح الجوال ياليتني ما طلعت ياليتني مارحت بموووووووووووووووووووت من القهرحتى امي صارت تبكي ودموعها كأنها نار في قلبي طيب صوري انا المسؤوله بس اخواتي كلهم متزوجات صرت اشوف في وجهي وانا ادور مثل المجنونه وجيه رجال اخواتي يارب خاف تنتشر دورت حتى في الزبايل في الممرات في الحمامات مالقيته وانا متأكده ان حد ما خذه بخفه مني بس المشكله اني كنت في مملكة المرأه وشلون ؟؟؟؟؟؟؟؟؟؟؟؟ هذا الايميل اكتبه وانا ابكي وميته من القهر وانا حاسه ان اللي صار عشان اخذ درس وهذا شي مكتوب يارب تستر علي وعلى اخواتي لاني خايفه الصور تطيح في بنت ما تخاف الله وتنشرها اماااانه اذا شفتوا صور بنات لاتحاولون تنشرونها واذا وصلك الايميل وانتي كنتي شايفتني لاني جلست الحد بعد العشاء وانا انتظر واحوس عليه ما اقول الا حسبي الله ونعم الوكيل في اللي اخذه لأن اختي درت عن الموضوع وانهارت وترقدت في المستشفى وامي انهارت ما كانت روحه جيت ارضي امي وانفضحت انا لله وانا اليه راجعون
((وبشر الصابرين الذين اذا اصابتهم مصيبة قالوا انا الله وانا اليه راجعون))
والمشكله اني خبيت على اخواني الشباب الموضوع وخفت منهم لان لهم صور معاي يااااااااااااااااااااارب تستر علينا حسبي الله لا اله الا هو عليه توكلت وهو رب العرش العظيم والمشكله ان اخواتي ما يبون يعلمون رجالهم خااايفين وانا خايفه على ابوي ومن اخواني ما ادري وش اسوي — فاياليت احد اذا شاف صور بنات لايساعد في نشرها خصوصا اذا ما كانوا البنات من ضمن الفنانات و المشاهير ووجيهم واضحه لاتنشرونها رجاااااااااءً انا خسرت صورنا كلها ما ابي اخسر سمعتي واخرب بيت اخواتي لان الجوال فيه اكثر من 500 صوره وفي واحد من رجال اخواتي شكاك وملتزم ووحده من اخواتي ماصارلها شهرين متزوجه ..
يا اخواتي والله انه القصص اللي صارت اكثر من جذي اعتقد اني لو كتبتها ماراح اتسدني هالصفحه ،،
احذروا خواتي ،،
اللي حابه تتصور تتصور بكالميرات العاديه ،، الدنيا اتطورت شي كاميرات اصغيره تقريبا بحجم التلفون او اصغر تنحط بالشنطه ،،
وعقب ما تتصورين حطي صورج وصور العايله كلها بفلاش او هارد دسك مخصص لهالشي ،،وحطيه بمكان امان ،،
ولا اتخلين ولا صوره اتخصج بالكمبيوتر لأنه اي حد ما يخاف ربه يقدر ايهكر ع الكمبيوتر وياخذ منه اللي يبيه ،،
الله يستر علينا يا رب،،
اللي ما عنده تعليق اخواتي اترد معاي ،،
((الله يستر على بنات المسلمين ))[/B]
هيه والله وااااايد صارت هالحركه عند البنات
مشكوره غناتي ع التنبيه
يزاج الله خير على الطرح القيم
والمرأة المسلمة جوهرة 
,, ولازم تعف نفسهـا ,, ولو في نسبة 1 بالمئة فقط ان ممكن صورها تنتشر ,, لازم تجتنبها
مشكووره ع التنبيه حبوبه ^^
وانا رافضه هالشي ..
والله صار لي موق بعمري ماراح أنسيهـ
كان عندنا عرس ولــد خالي ..وعندي كام ..عشان نتصور وجي ..
انزين ..وخلصنا العرس وجي ويوم يينا نركب السياره قاعده أجيك ع أغراضي قبل لا نروح ..لقيت إراضي كلهن إلا الكاام ..!!
يتني حاله هستيريه بغيت أصرخ ..ماهمني جيمة الكام قد ماهمني الصور اللي فيه ..
وانزل من السياره وأسوي تحريات ..
انا والشغاله وخواتي …
آخر شي لقته الخدامه ع كرسي من كراسي القاعهـ ..!!
غريبه شو ودااه هناكي ..منوو وصله هالمكان ..!!
أستغربت ..
لكن الحمدلله ف النهاية …لقيتهـ ..
وحصلت لي هزبه من اخوي هع ..
ومن يومها حرمت لا أحطي ف الموبايل ولا الكمبيوتر ..!
التووبه ..!
وووبس ..
للعظه والعبره …
لاتقولي خويتي مستحيل يستوي حقي هالشي ..لان انا شخصيا صارلي هالموقف …بعد ما كنت اقول هالرمسه ..
الله كريم ..
ويستر ع بنات المسلمين ياربي
ويزااااااج الله الف خير ع النصيحهـ ..
انا مرة صورت عمري ومتعودة اذا اصور احط في ميموري يعني اظهر من الفون واحط في الميموري .. بس هاك اليوم صورت وأجأت اني احطهن في الميموري وحطيت فوني في حمام الجامعة كرمكم الله … ونسيييييييييته !!
ورحت وسولف يمكن 10 دقايق فجأة دورت وما حصلته وتذكرت اني مصورة عمري !! ههه وعاد شو يحركني تميت متيبسة شوي وبصيح واربيعاتي اترابعن صوب الحمام وياااااابنه ههههه نفس المكان الي حطيته فيه والحمد الله انه كان مقفول الفون وبعد كان آخر الدوام ..
والله من هاك اليوم تبت توووووبه ما اخلي صوري في الفون ثانية وحدة خخخخ
هالمرة الله سترها المرة الياية ما ادري وين بتروح الصور بس الحمد الله الحمد الله ..
تسملين أختي ع الموضوع
الله يستر على بنات المسلمين
