الماركات العالميه

عزيزاتي حبيت استفسر عن شي
هل انتي من النوع اللي يحب يخق يشوف نفسه يعني

تضغطين نفسج عشان تشترين الماركات العالميه ولا تطيرين معاشج عشان تشترين هالماركات؟؟
ام عادي عندج ما تفرق حتى لو كان شي رخيص المهم عاجبج
تشترين شنط سوع ثياب ماركات حتى لو الموديل ما عجبج بس عشانه ماركه؟؟
ولا ما يهمج المهم تلبسين وخلاص ؟؟؟؟؟؟
إذا مثلا نزلت شنطه او ساعه او اي كان ماركه جديده وكل ربيعاتج اشتروها وانتي لا هل تتحرقصين لين تشترين نفسهم عشان ما تحسين انج اقل عنهم ولا عادي طاااااااااااف؟؟

شوفو عني انا انا عني طااااااااااااااااااااااااافين مب واحد ما يهمني لا ماركه ولا خرابيط بس احب البس واكشخ بشي معقول

ما في حد ما يحب الماركه بس انا ما بعق 2024 أو حتى 1200 على شنطه مستحيييييييييييل
بس احب السوع الماركات خخخخخخ
بس يكونن بحدود معقول جدا مب غالي ضو

الشي الوحيد اللي ممكن امتع نفسي فيه واصرف بدون زعل وعادي يوم اسافر اشتري اللي اباه ماركات سوع ودنيا وكلشي لان تعرفون فالسفر متعه بس مب ماركات غاليه وابعزأ فلوسي على قولت اخوانا المصريين خخخ
لا هاي بيزات مب لعبه

يالله احين دوركن

أهم شي عندي الشي اللي اخترته عايبني حتى لو مب ماركة

في ناس عندهم اهم شي الماركة الغالية
لابسه شنطة ماركة ب 3000 وفوق .. والساعه ماركة ب 2024 وزود

الحمدلله شي ساعات وشنط وملابس غيرها ماركات .. بس بسعر معقول مب خيالي

الواحد يلبس ويمتع نفسه بس بحدود المعقول وبحدود ترضى ربنا ^_^

يعنى بشتريلي ساعة من Dkny مثلاً ب 500 درهم وحلوة وراقية وماركة
وما بشتريلي ساعه ماركة من ……. ب 5000 وفوق

مرة شفت وحده لابسه شنطة ماركة تقريبا سعرها بحدود 3000 درهم او يمكن اكثر شوي
وسبحان الله شفت وحده ثانية شاله نفس الشنطة بالضبط بس اللون مختلف ..
سألتها الشنطة هذي من المحل الفلاني صح .. قالتلي : لآ من المعرض

انصدمت بصراحه تعرفون ليش .. لانها نفس الماركة بالضبط في الشكل ونوع القماش بس الفرق في اللون

عن نفسي اذا شفت وحده بالسوق شاله شنطه ماركة والثانية نفسها بس مب ماركة .. ما بعرف افرق اذا ماركات او لأ

الواحد يلبس بحدو العقل والمنطق والاعتدال ^_^

عسب جي ما اتبطر واشتريلي اشيا غالية واايد وهناك اشيا اسعارها معقولة بنفس الجودة ويمكن أحسن وأحلى

وانا احب اشتري الاشيا اللي تعيبني وتدش خاطري بغض النظر عن انها ماركة او عادية المهم على ذوقي واستايلي

وشو فايدة اشتريلي شنطة فوق الـ15000 وباجر تطيح موضتها وتطيح الشنطة بجبدي او تتوصخ ويعورني قلبي هههه

سلام

انا السوع احب اخذ من الماركات واذا ماعندي قيمتهن اخذ الي هن تقليد درجه اولى

الشنط لا ماحب اخذ ماركات ليش اسير اخذلي شنطه ب 1000 ولا 2024 وشي شراتها ب 200
وبالاخير اتروح موضتها وماألبسها

الملابس احلا شي عندي لان انا البش الي يطلع علي حلو ماحب فعادي عندي الملابس بعد مب لازم ماركات
حتى فساتين
عبي والله اني عندنا هني فالعين محلات كشخه
ويوم اسئل عن الاسعار يعطوني بحدود 4000 ولا 3000 حق شو ؟
حق اسبوع بس مايسوى علي والله اخذ الموديل وارسمه ف بالي واسير اماكن ثانيه واكمل التصميم وافصل تقريبا بحدود 500 بس

انا احب الموووضه وااايد والماركات بس هب هبله العب بالفلوس لعب والله غيرنا محتايين ه الدرهم الي نحن انعقه ع الشنط