حد عنده فكرة عن المدرسة الاسترالية فالشارجة شو نظامهم فالدراسة ومستوى الطلاب عندهم؟ وكم رسومهم وطريقة الدفع؟
وهل في انشطة ؟
وهل عندهم ضغط فالواجبات والمذاكرة فالبيت ولا كله فالمدرسة؟
والكي جي 1 و2 دوامهم كم ساعة؟؟؟
طولت عليكم بس اتمنى يكون في تفاعل والفايدة للجميع ان شاء الله
صراحة مدرسة مرتبة ونظامها رائع جدا وطريقتهم في التعليم جدا مطورة وما بتندمين اذا دخلتي عيالج فيها
الرسوم على حسب كل ما يروح الطالب مرحله تزيد شوي الرسوم هي غالية شوي بس تستاهل
الدفع تروحين عندهم وتدفعين بس اول شي لازم يسوون مقابلة لولدج وبعدين يدقون عليج اذا نجح لان فيه اطفال ما يقبلونهم وويسوولج يوم يعرفونج على المدرسه وطريقة التدريس عندهم وبعدين اذا كل شي تمام تروحين تدفعين ..
وهل في انشطة ؟
فيه وايد انشطه عندهم شي في اوقات الدوام وشي عقب
وهل عندهم ضغط فالواجبات والمذاكرة فالبيت ولا كله فالمدرسة؟
لا موول ماشي ضغط واول سنه تقريبا ماشي واجبات بس تهيئه للطفل وعلى حسب مرحلة الطفل يكون الواجب بس بشكل عام مب وايد ..
والكي جي 1 و2 دوامهم كم ساعة؟؟؟
الكي جي 1 هم يسمونهم elc يخلصون الساعه 1 والكي جي 2 يخلصون يوميا 2:45 ماعدا يوم واحد يخلصون بسرعه ويردونهم البيت مع الكي جي 1
اتمنى اني افدتج ^^ انا الحين ولدي عندهم ب grade 1
والحمدلله وااايد مرتاحين للمدرسه والولد مرتاح بعد
